web counter
LEXO PA REKLAMA!

SHKARKO APP

App Store
Google Play

E fundit!

x

Zotohet Berisha/ Do të subvenciojmë çdo prodhim bujqësor

13 Mars 2023, 19:35, Politikë CNA

Zotohet Berisha/ Do të subvenciojmë çdo prodhim bujqësor

Kreu i Partisë Demokratike, Sali Berisha nga Belshi ka folur në lidhje me subvencionet që jep qeveria për fermerët.

Kryedemokrati shprehet se me ardhjen në krye të qeverisë do të subvencionohet çdo prodhim bujqësor.

Sipas Berishës ai do të subvencionojë çdo fermer me çmimin bazë, çdo dëmtim natyror i prodhimeve bujqësore.

"Bujqësia shqiptare po ngjitej dhe përsëri ajo nuk kishte mbështetjen e merituar. Kishte mbështetje, por jo atë që meritonte. Dhe ajo që meritonte nuk bëhej dot sepse, Dumreja dhe e gjithë Shqipëria rurale në vitet 2005-2013 ka marrë investime në infrastrukturë, rrugë, kanalizime, rrugë të dyta të treta më shumë se kurrë në histori. Janë bërë 3.2 miliardë euro investime. Duheshin edhe të paktën 2 mld euro për të përfunduar tërësisht infrastrukturën rurale. Duhej që fermeri aty ku jetonte duhej të kishte infrastrukturë të njëjtë me një lagje qyteti. Atëherë ai do të mendonte të ndërtonte jetën, shkollonte fëmijët, kur të kishte të njëjtën shkollë me qytetin, të kishte shërbimin shëndetësor etj., me radhë.
Kjo qe arsyeja që subvencionet prekën 45 mijë fermerë në një kohë kur nevojat ishin më të mëdha. Por ju garantoj se subvencionet tona për bujqësinë do të subvenciojnë çdo prodhim bujqësor. Do të subvencionohet me çmimin bazë, çdo dëmtim natyror i prodhimeve bujqësore. Pa diskutim", u shpreh Berisha./CNA.al





Lajmet e fundit nga