web counter
LEXO PA REKLAMA!

SHKARKO APP

App Store
Google Play

Hasimja zyrtarizon tërheqjen nga gara/ "Procesi u mbyll, mbështes plotësisht Florjan Binajn"

8 Tetor 2025, 08:15, Politikë CNA

Hasimja zyrtarizon tërheqjen nga gara/ "Procesi u mbyll, mbështes

Politologu Ermal Hasimja, përmes një statusi në rrjetet sociale, ka zyrtarizuar tërheqjen nga gara për drejtimin e Bashkisë Tiranë.

Hasimja, në postimin e tij, thotë se procesi është mbyllur dhe shpreh mbështetjen për kandidatin Florjan Binaj të mbështetur nga PD dhe aleatët.

 

"Para pak ditësh paraqita dëshirën për të qenë kandidati i një opozite të bashkuar për Tiranën tonë. Procesi u mbyll. I uroj suksese Florian Binajt dhe e mbështes plotësisht për të mirën e qytetit tonë dhe kryeqytetit të vendit.

Nesër i kthehem jetës sime të mëparshme. Do të vazhdoj të bëj punën time si arsimtar me brezat e rinj, në studio televizive e media të tjera dhe nëse një ditë krijohen kushtet e duhura edhe në angazhime politike që përputhen me parimet në të cilat besoj.
Nxitja dhe inkurajimi i papritur e befasues që mora nga qindra të njohur e të panjohur më tregon se ashtu si dhe unë shpresa pret ditën e saj për t'u rishfaqur", shkruan Hasimja./CNA





Lajmet e fundit nga