web counter
LEXO PA REKLAMA!

SHKARKO APP

App Store
Google Play

“Ka një mllef të tmerrshëm mbi gjyqtarët”/ Bylykbashi: Nuk justifikohet vrasja, të jetë një pikë kthese

7 Tetor 2025, 17:33, Politikë CNA

“Ka një mllef të tmerrshëm mbi gjyqtarët”/

Deputeti demokrat, Oerd Bylykbashi tha sot se vrasja e djeshme tregon se në shoqëri ka një mllef të tmerrshëm mbi gjyqtarët dhe magjistratët.

Në një intervistë në ‘Syri Tv’, Bylykbashi u shpreh se një qëndrim i tillë ndaj punonjësve të sistemit të drejtësisë është i papranueshëm dhe nuk duhet toleruar.

Deputeti shtoi se ky rast duhet të jetë një pikë kthese për shumë persona, pasi nga vrasja doli në pah edhe vetëgjyqësia.

“Ka një mllef të tmerrshëm mbi gjyqtarët, mbi magjistratët që është i papranueshëm, pra i shprehur.

Nuk po flasim për kritiken, por edhe në formën e mallkimeve, janë krejtësisht të papranueshëm, në formën që në themel ato kontekstohen te fjala, është vetëgjyqësia ajo që del në pah dhe një nga gjërat më të papranueshme, jo të ligjit, por të moralit të shoqërisë është vetëgjyqësia.

Por sigurisht kjo nga ana tjetër vjen edhe për një arsye tjetër, sepse njerëzit kanë perceptuar për një kohë shumë të gjatë mungesën e drejtësisë, padrejtësinë.

Pra padrejtësia është një gjë, mungesa e drejtësisë është një gjë tjetër, dhe u ka ardhur shpirti atje ku nuk bën më, por sigurisht kjo nuk justifikon vrasjen, sikur vendimi më i gabuar të ishte, vrasja është diçka e patolerueshme, ndaj dhe organet duhet me shpejtësi të bëjnë drejtësi në maksimumin e vet, sepse siç e thashë, nuk është as rast, nuk është as precedent, është më shumë.

Duhet të jetë një pikë kthese për shumë veta, edhe për politikanët që flasin, nuk lënë studio pa folur e pa bërë deklarata, pa bërë postim. Duhet të ndalen një moment dhe të mendojnë, ore si erdhëm deri këtu.

Ku dështoi ky shtet që nuk e ktheu prioritetin aty ku duhej, në kohën e duhur?

Me reformën në drejtësi nuk u reformuan ligjet proceduriale për të funksionuar gjykatat më shpejt, u ndryshuan njerëzit, u hoqën drejtuesit e sistemit, e më pas gjyqtarët e prokurorët, pra ishte histori kapjeje mes individësh, jo si ta bënim më të thjeshtë çështjen.

Reforma në drejtësi prodhoi një monstruozitet i cili tashmë po agravon edhe më shumë sensin e padrejtësisë, dhe njerëzve mos ua kërkojmë ne, siç di unë apo kolegë të mi, detaje të reformës në drejtësi, nuk i kuptojnë, i bien shkurt, është shteti, ky më hoqi jetën duke më hequr të drejtën”,-tha Bylykbashi./CNA

 





Lajmet e fundit nga