web counter
LEXO PA REKLAMA!

SHKARKO APP

App Store
Google Play

Zgjedhjet për Tiranën/ Hasimja njofton Berishën: Ju paraqes publikisht kandidaturën time

4 Tetor 2025, 20:44, Politikë CNA

Zgjedhjet për Tiranën/ Hasimja njofton Berishën: Ju paraqes

Politologu Ermal Hasimja, i ftuar në Euronews, i është drejtues kreut të PD, ku i ka kërkuar mbështetjen për kandidaturën e tij për Bashkinë e Tiranës.

Hasimja tha se po paraqet publikisht kandidaturën e tij për kryeqytetin dhe përveç PD, ka kërkuar dhe mbështetjen e partive të tjera opozitare.

Deklarata e politologut vjen pas njoftimit nga PD se do të mbështesnin kandidatët e pavarur. Hasimja ka thënë se ai plotëson të gjtha kriteret që opozita ka paraqitur dhe u shpreh se Berisha mund ta quajtë kandidaturën e tij zyrtarisht të paraqitur.

“Më duket pozicioni logjik është që një opozitë e bashkuar të dalë me një kandidat të pavarur, i cili do të mbështetet nga një shumicë sa më e madhe e partive opozitare. Berisha ka kërkuar që edhe kandidatët e tjerë të shprehin dëshirat dhe ambiciet e tyre. Duke pasur këtë mundësi, unë po i drejtohem zotit Berisha dhe kryesisë së PD-së, si dhe forcave të tjera opozitare, duke ju paraqitur publikisht kandidaturën time për kreun e Bashkisë së Tiranës, me të njëjtat kritere që ai ka përcaktuar: kandidat i pavarur, pa logo specifike partie, i mbështetur nga shumica e opozitës. Prandaj, zoti Berisha mund ta quajë kandidaturën time të paraqitur dhe ta shqyrtojë”, tha Hasimja./CNA





Lajmet e fundit nga