web counter
LEXO PA REKLAMA!

SHKARKO APP

E fundit!

x

Berisha: Dhunimi i Kushtetutës e bën të debatueshme pjesëmarrjen në garë

4 Tetor 2025, 13:31, Politikë CNA

Berisha: Dhunimi i Kushtetutës e bën të debatueshme

Kreu i PD-së, Sali Berisha, në mbledhjen e Kryesisë është shprehur se Kushtetuta është shkelur dhe seria e dhunimeve të saj nga regjimi e bën të debatueshme pjesëmarrjen e opozitës në garë.

“Mblidhemi sot në një moment për të diskutuar dhe vendosur modelin që do të përgjedhim si kryesi e PD për garën elektorale për Tiranën. Dua të theksoj se, dhunimet flagrante të Kushtetutës nga individë dhe njerëz të inkriminuar, të lidhur me vjedhje dhe përvetësime të pronave publike si Rama dhe kukulla e tij në Presidencë, seria e dhunimit të Kushtetutës me aktet e tyre me të drejtë e bëjnë të debatueshme pjesëmarrjen tonë në këtë garë.

Për të gjithë ata të cilët e kanë parasysh se ne jetojmë në një diktaturë autoritare ku Kushtetuta është një letër e vdekur, në të cilën ligji është një letër pa vlerë, të kërkosh Kushtetutë dhe kushtetutshmëri në një regjim autoritar të bazuar në drogën është si të kërkosh një pikë uji në shkretëtirë. Parimet e Kushtetutës janë të pavdekshme për një rend sistematik kurse në një narkodiktaturë ato janë faktikisht të parespektuara”, tha Berisha./ CNA





Lajmet e fundit nga