web counter
LEXO PA REKLAMA!

SHKARKO APP

App Store
Google Play

Zjarret/ Rama: Ata që humbën banesat dhe bagëtitë do të dëmshpërblehen qindarkë më qindarkë

4 Tetor 2025, 09:53, Politikë CNA

Zjarret/ Rama: Ata që humbën banesat dhe bagëtitë do të

Kryeministri Edi Rama ka bërë me dije se të gjithë ata që kanë humbur banesat dhe krerët e bagëtive nga zjarret do të dëmshpërblehen qindarkë më qindarkë.

“Angazhimi moral dhe ligjor lidhur me banesat dhe krerët e humbura të bagëtive do të mbahet pikë për pikë. Tani është inventari i plotë dhe të gjithë ata që kanë humbur banesat apo krerë bagëtish duhet të jenë të qetë për faktin se me kalimin e aktit normativ do të dëmshpërblehen qindarkë për qindarkë. Kjo është shumë e rëndësishme ashtu siç është e rëndësishme që të gjithë të fillojnë të mendojnë për të marra masa për t'u përfshirë në skemën e re të sigurimit për fatkeqësitë natyrore që do të sanksionojmë dhe në ligj, jemi i vetmi vend në Europë që s'e ka një ligj të tillë, ka ardhur koha t'u japim mundësi të gjithëve që për një kontribut modest të jenë të siguruar nga fatkeqësitë. Këtu nuk është fjala për shtëpitë, por edhe për sipërmarrjet për njësite e biznesit, të cilat duhet të sigurohen edhe nga përmbytjet pasi koha në të cilën jetojmë në mbarë botën, është një kohë ku ndryshimet e klimës po sjellin gjithmonë sfida të mëdha të fatkeqësive natyrore dhe emergjencave civile si përmbytjet dhe zjarret”, tha Rama./ CNA





Lajmet e fundit nga