web counter
LEXO PA REKLAMA!

SHKARKO APP

App Store
Google Play

E fundit!

x

PD vendosi të mbështesë kandidat të pavarur/ Këlliçi tregon detaje nga takimi

4 Tetor 2025, 17:04, Politikë CNA

PD vendosi të mbështesë kandidat të pavarur/

Deputeti i Partisë Demokratike, Belind Këlliçi i ftuar në Syri Tv ka folur për zgjedhjet e pjesshme lokale në 6 bashki të vendit. Këlliçi ka dhënë detaje nga takimi i sotëm, ku zbuloi se nuk ishte folur për emra konkretë, por për identikitin e kandidatëve.

Sa i përket vendimit të PD për të mbështetur kandidatë të pavarur, Këlliçi tha se ka qenë një vendim i vështirë që ka pasur dhe kundërshtime nga drejtuesit e degëve.

Sa i përket opsionit se si do të kandidojë opozita në zgjedhjet e pjesshme lokale, Këlliçi tha se janë tre opsione, që përveç mbështetjes së kandidatëve të pavarur, përfshihen dhe emrat nga strukturat e PD si dhe opsioni tjetër të rinj të fushës së akademisë.

Demokrati tha se 4 emra nga PD janë shprehur të gatshëm për të garuar për Bashkinë e Tiranës. Emra të cilët janë Adriana Kalaja, Et’hem Aga, Klevis Balliu dhe Edi Paloka. Megjithatë, tha Këlliçi, u zgjodh opsioni për të mbështetur kandidatin e pavarur, me qëllim maksimizimin e votave.

Lidhur me një afat të mundshëm se sa mund të zgjasin negociatat me partitë e tjera opozitare, deputeti tha se mbyllen brenda dy ditëve.

“Ne nuk kemi folur për emra, kemi folur në parim. Kemi folur për identikitin. Në këtë moment po heqim nga vetja për t’u dhënë mundësin qëtetarëve në 6 bashki të mundin të deleguarit e Ramës. Nuk është e lehtë, është një vendimmarrje shumë e rrezikshme. Ka pasur rezistencë nga drejtuesit e degëve. PD është përballur javën e fundit me një breshëri sulmesh nga mediat e paguara nga pushteti me fake news se PD nuk ka kandidatë. 4 emra i kemi përmendur sot, që kanë shprehur vullnetin Adriana Kalaja, Et’hem Aga, Klevis Balliu dhe Edi Paloka. Ne po tentojmë të eksplorojmë këtë versionin tjetër për të maksimalizuar votat. Po dalim nga vetja, mbetet për t’u parë. Ka tre opsione për tu futur në zgjedhje, emrat e PD, të rinj akademikë. Por për momentin është vendosur opsioni i tretë, kandidatët e pavarur. Sigurisht  nëse nuk arrihet ky opsion, PD ka resurset e saj politike që  mund të hyjë në zgjedhje. Ky proces do të ecë me ritëm shumë të lartë. E paprecedentë situata në zgjedhjet për Tiranën dhe në vetë Bashkinë e Tiranës. PD nuk mund të lërë garën bish dhe nuk mund të lërë territorin. E ka provuar njëherë dhe i di pasojat. Do të jetë një kandidaturë politike. Nuk mund të jesh apolitik, kur garon për pozicionin e dytë më të rëndësishëm të vendit. PD po ofron shansin për t’u unifikuar, për të shpëtuar nga kjo e keqe që ka kapur për fyti Tiranën.

Besoj që mbyllja e negociatave është çështje e dy ditëve për t’u mbyllur gjithçka, sepse kemi dhe ne limitet tona", tha Këlliçi./CNA

 





Lajmet e fundit nga