web counter
LEXO PA REKLAMA!

SHKARKO APP

App Store
Google Play

Hashim Thaçi rrëfehet nga Haga/ Emocionet e takimit me Ramën: Më kishte marrë malli

4 Shtator 2023, 22:27, Politikë CNA
Hashim Thaçi rrëfehet nga Haga/ Emocionet e takimit me Ramën:
Kryeministri i Shqipërisë, Edi Rama dhe ish-Presidenti i Kosovës, Hashim Thaçi

Ish-Presidenti i Kosovës, Hashim Thaçi, i cili ndodhet prej rreth 3 vitesh në dhomat e paraburgimit në Hagë, ka folur nga qelia për kryeministrin Edi Rama.

Thaçi tha se vizita e Ramës ka qenë në rrethana të jashtëzakonshme dhe biseda mes tyre ka qenë vëllazërore.

Në një intervistë për Nacionalen, ai foli me superlative për kreun e qeverisë shqiptare, ndërsa tregoi emocionet e përjetuara në takim.

“Kur erdhëm në Hagë, si pasojë e masave anti-Covid, i kaluam pa asnjë kontakt fizik rreth 9 muaj, madje as me familje. Nuk ishte e lehtë. Vizita e Edit ndodhi në vend dhe rrethana të jashtëzakonshme e të paimagjinueshme, përtej politikës dhe procesit gjyqësor, bisedë krejt vëllazërore. Më kishte marrë malli. Edi lufton dhe zakonisht fiton në kauzën që beson, është impresionuese se si ai po vazhdon të ndërtojë dhe afirmojë Shqipërinë evropiane.

U gëzova shumë që, pas autorizimit të shefit të paraburgimit, pranova librat që Edi më kishte sjellë në objektin e paraburgimit të DHSK. Si zakonisht, ishte me plot humor të mirë. Por, kur u ndamë, e ndjeva se u emocionua shumë, por gjithmonë me besim për të ardhmen më të mirë dhe më të sigurt, përtej hapësirës ku qëndruam duke pirë kafe rreth dy orë.

Ne besojmë në drejtësi, në të vërtetën dhe transparencën. Qytetarët e Kosovës janë të etur të shohin dhe të dëgjojnë të vërtetën. Jo të cunguar, apo të njëanshme. Kosova dhe qytetarët e saj besojnë në parimet e drejtësisë moderne, të cilat i ka përfshirë dhe i respekton edhe me kushtetutë dhe ligje shtetërore. Drejtësi që respekton standardet bashkëkohore, e shpejtë dhe efikase. Drejtësi që e fiton legjitimitetin e brendshëm. Kosova ka vuajtur shumë nga padrejtësia. Kosova ka ecur përpara vetëm duke i respektuar parimet e lirisë, drejtësisë dhe demokracisë”, theksoi ish-presidenti i Kosovës./ CNA





Lajmet e fundit nga