web counter
LEXO PA REKLAMA!

SHKARKO APP

App Store
Google Play

Debati - Basha fton Bardhin për kafe, deputeti i kthehet ashpër: Unë të hedh zgupthi

4 Shtator 2023, 16:54, Politikë CNA

Debati - Basha fton Bardhin për kafe, deputeti i kthehet ashpër:

Kur vëmendja e kamerave ishte fokusuar te ish-kryeministri Sali Berisha, i cili po mbante fjalimin në foltore, në seancën e sotme plenare ka ndodhur një debat mes Lulzim Bashës dhe Gazment Bardhit,

Basha i kërkoi Gazment Bardhit të pinin kafe pas seancës plenare, por ky i fundit iu përgjigj negativisht ftesës.

Deputeti iu drejtua Bashës me tone të ashpra, duke e cilësuar si hipokrit, ndërsa nuk kanë munguar as ironitë mes tyre.

Është dashur ndërhyrja e deputetes Jorida Tabaku që debati mes tyre të shuhet.

Replikat:

Basha: Do pijmë një kafe pas seancës?

Bardhi: Çfarë të themi? Unë nuk jam hipokrit, ato që kam patur t’i kam thënë publikisht.

Basha: Po mos rri kështu, qesh pak.

Bardhi: Të thashë edhe një herë, nuk jam hipokrit si ti që të qesh. Unë e marr seriozisht atë që bëj.

Basha: Po bëhesh si ky që po flet (po fliste Berisha)

Bardhi: Si ai je bërë ti, ti kujton se jemi të gjithë si kjo (tregon nje deputete që mbështet Bashën). Nuk e bën dot me mua, unë të hedh zgupthi.

Basha: Po dil fol si kryetar grupi ti.

Bardhi: Kjo është hipokrizi, ke çuar shkresën dhe më thua të flas si kryetar grupi.

Ndërhyn Tabaku: Mos e bëni këtu debatin se po tërheqim vëmendjen.

(I drejtohet Bashës): Po shkresën pse e çove? E ke çuar dhe statutin në gjykatë?

Basha: Nuk e di, nuk po merrem une me këtë. / CNA





Lajmet e fundit nga