LEXO PA REKLAMA!

SHKARKO APP

Gazment Bardhi pritet të emërohet nënkryetar i PD-së?!

1 Mars 2024, 18:50, Politikë CNA
Gazment Bardhi pritet të emërohet nënkryetar i PD-së?!
Gazment Bardhi

Bashkimi i Gazment Bardhit me grupin e Sali Berishës pritet të ketë edhe një hap tjetër.

Ditën e hënë është njoftuar mbledhja e këshillit Kombëtar të Partisë Demokratike, ku burime zyrtare i thanë CNA-së se do të emërohet, pra do të zgjidhet Gazment Bardhi si nënkryetar i PD-së.

Këshilli Kombëtar pritet ta marrë këtë vendim, pasi Gazment Bardhi është kreu i Grupit Parlmentar, i njohur nga shumica e deputetëve dhe pas bashkimit me grupin e Berishës, gati 40 deputetë tashmë janë në unison me një qëndrim dhe përfaqësohen nga Gazment Bardhi.

Kryetari i Grupit Parlamentar i Partisë është automatikisht me statut nënkryetar i kësaj partie.

Gazment Bardhi ka qenë sekretar i përgjithshëm me Lulzim Bashën, iku nga atje dhe u emërua kryetar grupi dhe tashmë me bashkimin me Berishën, me statutin e PD-së kryetari i Grupit Parlamentar emërohet nënkryetar.

Gazment Bardhi pritet të emërohet nënkryetar i PD-së?!
Gazment Bardhi

Nënkryetarët e Partisë Demokratike në detyrë janë dy, Luçiano Boçi dhe dhe Oerd Bylykbashi. Luçiano Boçi nuk është më deputet dhe për këtë arsye nuk mund të jetë kryetar i Grupit Parlamentar, prandaj dhe një nga vendet e nënkryetarëve është vakant.

Kjo vakancë pritet të zgjidhet me Gazment Bardhin, i cili duke u bashkuar me grupin e Berishës dhe me shumicën e deputetëve, si kryetar i Grupit Parlamentar pritet të marrë edhe postin e nënkryetarit të PD-së.

Sekretari i Përgjithshëm pritet të vazhdojë Flamur Noka dhe ende nuk ka një pozicion zyrtar për Luçiano Boçin, por dhe ai mund të qëndrojë nënkryetar partie dhe të merret me procesin e organizimit./ CNA

Lajmet e fundit nga