Gara për Tiranën/ "Qahet" Salianji: Më është ndaluar me ligj të kandidoj për këto zgjedhje

8 Tetor 2025, 20:59, Politikë CNA

Gara për Tiranën/ "Qahet" Salianji: Më është

Ish-deputeti i PD-së, Ervin Salianji ka folur mbrëmjen e sotme për garën për drejtimin e bashkisë së Tiranës. Salianji u shpreh se kandidati Florjan Binaj është një person që duhet të bashkojë të gjitha forcat politike opozitare.

Ai tha në emisionin "Now me Erla Mëhillin" se me mbështetjen për Binajn, një kandidat jo politik, qytetarët mund t'i japin edhe një mesazh politikës.

"Unë mendoj që sot është momenti të gjejmë pikat që na bashkojnë dhe ky është kandidati. Në këtë kuptim unë mendoj se interesat partiake që ka secila prej partive bien dhe prevalon interesi publik. Sot me një kandidat jo partiak, të gjithë partitë e mbështesin kandidatin e opozitës së bashkuar. Unë mendoj ndryshe dhe nga ajo që kushdo merret me politikë është i korruptuar.

Në këtë kuptim mundësia që të gjithë forcat opozitare dhe qytetarët që e shohin politikën sit ë pisët kanë mundësinë që të atashohen me një kandidat të pavarur. Florian Binaj është kandidat i pavarur dhe i mbështetur nga të gjitha partitë opozitare. Regjistrimi i Binaj është i pavarur dhe i mbështetur nga PD-ja. Ky process ka nxjerrë një produkt përbashkues. Qytetarët kanë mundësinë që duke votuar një kandidat si Binaj, mund ti japin edhe një mesazh politikës, që na keni lodhur. Binaj është një njeri i angazhuar", u shpreh Salianji.

I pyetur nëse ai do të ishte një kandidaturë më e mirë se Binaj, Salianji tha se edhe për këto zgjedhjet atij i është ndaluar me ligj kandidimi apo pjesëmarrja. Ndërkohë theksoi se Binaj është kandidat i jashtëzakonshëm dhe kjo sipas tij u tregua të mbështetja që mori nga partitë politike.

"Kandidati Binaj është një kandidat që në nisje ka një frymë të jashtëzakonshme dhe të madhe dhe kjo u tregua të mbështetja që mori nga partitë që u bënë bashkë. Ka prap kohë që edhe partia e zotit Qori të mbështesë kandidatin e pavarur. Mua ma kanë ndaluar me ligj të kandidoj edhe për këto zgjedhje. Florjan Binaj është kandidat i jashtëzakonshëm.", tha ish-deputeti./ CNA