web counter
LEXO PA REKLAMA!

SHKARKO APP

App Store
Google Play

E fundit!

x

"80% e gjykatave dhe prokurorive ende pa kryetar"/ Berisha: Vendet ruhen për patronazhistët

8 Tetor 2025, 13:43, Politikë CNA

"80% e gjykatave dhe prokurorive ende pa kryetar"/ Berisha: Vendet

Kryetari i Partisë Demokratike, Sali Berisha, në mbledhjen e Grupit Parlamentar hodhi akuza ndaj KLP-së dhe KLGJ-së për korrupsion.

Berisha tha se 80% e prokurorive dhe gjykatave nuk kanë drejtues pasi këto vende ruhen për patronazhistët ose kandidatët duhet të paguajnë para për këto vende.

"Ju nuk mund ta imagjinoni se çfarë pengu është sot ai që quhet sistem drejtësie.

Ju keni dëgjuar dhe keni lexuar se 80 për qind e prokurorive dhe gjykatave nuk kanë kryetar.

Shikoni korporatat e turpit. KLGJ dhe KLP, qeveritë kushtetuese të tyre, nuk emërojnë kryetarët.

Po a e dini pse? Motivet janë ultrakorruptive.

Ose se ata që janë, që plotësojnë kriteret, sepse Kushtetuta ka përcaktuar kritere për të qenë kryetar, 8 vite apo 10 vite, nuk plotësojnë kriteret.

Ose ata i plotësojnë kriteret dhe paguajnë qimet e kokës për të marrë atë vend.

Dhe së fundmi, ato ruhen të gjitha për patronazhistët, të cilët nuk kanë bërë 8 vite në sistemin e drejtësisë.

Shikoni se çfarë kapje të tmerrshme i kanë bërë drejtësisë.

Se çfarë pamëshirësie. Këta mafiozë, këto tentakula mafioze.

Pra, këta kanë vënë rregull që magjistratët duhet të kenë bërë disa vite në administratë. Duhet të jenë patronazhistë.

Ligji e thotë se magjistratët para se të hyjnë në Shkollë Magjistrature duhet të jenë patronazhistë.

Tani këta patronazhistë kanë mbaruar, disa prej tyre. Por problemi është se nuk plotësojnë kushtin kushtetues.

Dhe po të lexosh poll-et, poll-et thonë drejtësia e re më e pëlqyera", tha Berisha./CNA

 

 





Lajmet e fundit nga