web counter
LEXO PA REKLAMA!

SHKARKO APP

App Store
Google Play

E fundit!

x

"Në të 6-ta bashkitë mbështesim kandidatët e pavarur"/ Berisha: Figura pakrahasimisht në epërsi

8 Tetor 2025, 14:10, Politikë CNA

"Në të 6-ta bashkitë mbështesim kandidatët e

Kryedemokrati Sali Berisha deklaroi se në zgjedhjet e pjesshme lokale do të mbështesin kandidatët e pavarur në të 6-ta bashkitë ku do të votohet.

Berisha tha se po përdorim të njëjtën metodë si në vitin 2001 për afrimin e figurave dhe kandidaturat janë në epërsi sa i përket figurës krahasimisht me kandidatët e PS-së.

Kryetari i PD-së krahasoi kandidatët e PS-së me figurat që priten të shpallen nga PD-ja dhe tha se kanë reputacion të shkëlqyer.

"Ne shkojmë në zgjedhje lokale dhe kam kënaqësinë që të informoj se në gjitha zonat ku ato zhvillohen, janë përzgjedhur ose kanë kandiduar kandidatura të pavarura, çka do të thotë se e kanë mirëpritur shumë këtë model të përzgjedhur këtë herë nga PD dhe aleatët e saj.

Kandidatura me reputacion të shkëlqyer, qoftë në Vlorë, në Berat, në Cërrik, në Mat, Tepelenë.

Pra, ne u ofruam qytetarëve një model, nuk është se nuk e kemi përdorur, ne e kemi përdorur edhe në vitet 2001 e me radhë, por e rëndësishme është që janë paraqitur kandidatura pakrahasimisht eprore me ato që dërgon partia e krimit.

Imagjinoni ju Florjan Binajn me keqbërësen Manastirliu, që edhe vetë është bërë verem kur mori vesh se emërohet nga Edi Rama, sepse e di se qytetarët nuk mund t’ia falin vjedhjet e saj, korrupsionin e saj, etj.

Në Vlorë ka dërguar një deputete, që më shumë duket përfaqësuese e vetes së saj. Famoze për korrupsion. Imagjinoni ju, edhe ushqimin e të sëmurëve e ka vjedhur me tenderë.

Ajo ka akte shumë të rënda në qëndrimin ndaj të sëmurëve. Ajo është denoncuar shumë herë për qëndrimet çnjerëzore në spitalin psikiatrik. Prandaj e ka zgjedhur ai.

Edhe në këtë kontekst, opozita kudo ka një epërsi.

Pra, janë këto rrethana.

Ne do t'i mbështesim me të gjithë forcën tonë.

Demokratët duhet të bëjnë gjithçka për suksesin e këtyre intelektualëve, këtyre personaliteteve, diku është mjek, arkitekt, artist, biznesmen, historian.

Pra, janë të prurjeve të ndryshme.

Të bëjmë çdo gjë për mbështetjen maksimale të tyre dhe suksesin e tyre në fushatë", tha Berisha./CNA

 





Lajmet e fundit nga