web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Deputetët të mos shkojnë në emisione pa kundërshtarët/ Kalaja: Vendim i duhur

8 Tetor 2025, 16:10, Politikë CNA

Berisha: Deputetët të mos shkojnë në emisione pa

Kryetarja e Komisionit të Apelimit në Partinë Demokratike, Adriana Kalaja, ka reaguar pas vendimit të marrë nga kreu i PD-së Sali Berisha, që deputetët dhe funksionarët e PD nuk do të shkojnë në emisione nëse përballë tyre nuk kanë kundërshtarët, por analistë të paguar nga mazhoranca, pasi e quan një strategji censuruese nga Rama.

Kalaja e ka konsideruar vendimin e marrë nga Berisha të duhur dhe me përmasa të jashtëzakonshme për misionin që ka opozita dhe media si pushtet i katërt.

Sipas saj, ky vendim, i shërben jo vetëm denoncimit të regjimit në çdo dimension, por edhe fuqizimit të opozitarizmit në vend.

Kalaja deklaroi se nuk mund të jenë pjesë në panelet televizive, ku përballë tyre kanë sharlatanë të paguar.

“Vendim i duhur......

Në një situatë shumë të vështirë për vendin dhe opozitarizmin, kur mafia drejton gjithë strukturat drejtuese dhe jo vetëm të të gjithë pushteteve, vendimi i Kryetarit të PD-së, Prof. Dr. Z. Sali Berisha, që  Deputetët apo Funksionarët e saj,  nuk do të dalin më në studio televizive, nëse përballë nuk do kenë homologët e tyre, apo  përfaqësues të pushtetit qendror dhe atij lokal, megjithëse i vonuar, është vendimi i duhur dhe me përmasa të jashtëzakonshme për misionin që ka opozita dhe media si pushtet i katërt.

Ky vendim, i shërben jo vetëm denoncimit të regjimit në çdo dimension, por edhe fuqizimit të opozitarizmit në vend.

Nuk mund të jesh pjesë në panelet televizive, ku përballë ke sharlatanë të paguar, që vijonë edhe pas 12 vitesh të mbushura me skandale, krim e korrupsion, të thonë se:

- Fajin e ka Saliu.

Ndërkohë, Ju kujtoj Pepe Grillon i cili fitoi zgjedhjet, pasi kishte refuzuar të gjithë mediat e kohës.

Qoftë ky një fillim i mbarë për ndryshime të mëdha!”, shkruan Kalaja./ CNA





Lajmet e fundit nga