web counter
LEXO PA REKLAMA!

SHKARKO APP

App Store
Google Play

Efektivët, ankesa për mosdhënien e shpërblimit/ Si justifikohet ministri për vonesat

29 Dhjetor 2024, 13:12, Politikë CNA

Efektivët, ankesa për mosdhënien e shpërblimit/ Si

Ministri i Brendshëm, Ervin Hoxha, ka vizituar sot pikën kufitare të Kakavijë ku ka folur për fluksin e emigrantëve duke thënë se janë marrë masat për lehtësimin e hyrjeve dhe daljeve nga vendit.

Gjatë bashkëbisedimit me gazetarët, ministri pyetur mbi ankesat e policëve për vonesën e shpërblimeve dhe orëve shtesë.

Ministri u justifikua duke thënë se nuk ka asnjë keqkuptim në këtë pikë dhe të gjitha do të jepen sipas ligjit.

“Ministria e Brendshme ka bërë një propozim për heqjen e kritereve dhe përjashtimit të Policisë së Shtetit sa i përket një kriteri, i cili vitet e tjera nuk ka qenë i realizuar për shkak të buxhetit.

Unë besoj se të hënën, Këshilli i Ministrave do të miratojë aktin dhe projektvendimin, të cilin ne e kemi propozuar për dhënien e shpërblimit të punonjësve të Policisë së Shtetit.

Orët shtesë dhe suplementare janë të gjitha të parashikuara në Aktin Normativ, i cili është miratuar dhe të gjitha orët shtesë do të jepen sipas parashikimeve ligjore. Nuk ka asnjë keqkuptim e mosrakordim të strukturave dhe të projektvendimeve të dala nga qeveria në raport me dhënien e shpërblimit dhe orëve suplementare të Policisë së Shtetit. Çdo gjë është sipas asaj që neve kemi thënë dhe çdo gjë do të ndodhë sipas këtyre vendimeve të parashikuara në ligjin përkatës”, tha Hoxha./ CNA





Lajmet e fundit nga