web counter
LEXO PA REKLAMA!

SHKARKO APP

App Store
Google Play

Dy ditë me radhë në Tiranë/ Pritet takimi i 20-të i Komitetit Parlamentar Shqipëri-BE

27 Tetor 2025, 16:44, Politikë CNA

Dy ditë me radhë në Tiranë/ Pritet takimi i 20-të i

Në datat 28-29 tetor 2025, në Tiranë do të zhvillohet takimi i 20-të i Komitetit Parlamentar të Stabilizim-Asociimit (KPSA) ndërmjet Shqipërisë dhe Bashkimit Europian, siç njoftohet edhe nga Parlamenti Europian.

Takimi do të zhvillohet në ambientet e një hoteli në kryeqytet.

Të pranishëm do të jenë: Kryetari i Kuvendit të Shqipërisë, Niko Peleshi, Ministrja për Evropën dhe Punët e Jashtme, Elisa Spiropali, Ambasadori i Republikës së Polonisë në Shqipëri, Wojciech Unolt, në emër të Presidencës Daneze të Këshillit të BE-së, Ambasadori i Bashkimit Europian në Shqipëri, Silvio Gonzato, në emër të Komisionit Europian, si edhe Raportuesi i Përhershëm i Parlamentit Europian për Shqipërinë, Andreas Schider.

Takimi do të zhvillohet në dy sesione kryesore:

Sesioni i I-rë

Do të mbahet më 28 tetor 2025 nga ora 17:00 deri në 19:30, do të fokusohet në:

-Negociatat e anëtarësimit të Shqipërisë me Bashkimin Europian, politika e jashtme, marrëdhëniet e fqinjësisë së mirë dhe bashkëpunimi rajonal.

-Progresi dhe sfidat në sektorët e ekonomisë, energjisë, mjedisit dhe turizmit në Shqipëri.

Sesioni i II-të

Do të mbahet më 29 tetor 2025, do të zhvillohet nga ora 10:00 deri në 12:30 dhe do të përfshijë:

-Progresin dhe sfidat e institucioneve të shtetit të së drejtës, luftën kundër korrupsionit dhe të gjitha formave të krimit.

-Respektimin e të drejtave të njeriut, të drejtave të minoriteteve dhe lirisë së medias.

-Çështje të tjera dhe diskutimin mbi datën dhe vendin e takimit të radhës të KPSA-së.

Aktiviteti do të zhvillohet në një klimë bashkëpunimi të thelluar mes Shqipërisë dhe Bashkimit Europian, duke u fokusuar në përparimet dhe sfidat kyçe që lidhen me procesin e integrimit të vendit në BE./CNA

 





Lajmet e fundit nga