web counter
LEXO PA REKLAMA!

SHKARKO APP

App Store
Google Play

"Në Fier problem mbeten dhuna në familje, krimi ndaj pronës, korrupsioni"/ Çaushi: Duhet digjitalizim

27 Tetor 2025, 15:58, Politikë CNA

"Në Fier problem mbeten dhuna në familje, krimi ndaj pronës,

Deputetja e Partisë Socialiste, Zegjine Çaushi, në fjalën e saj në Kuvend ka paraqitur disa nga problematikat e sistemit të drejtësisë në Qarkun e Fierit. Çaushi tha se në Fier problematike janë dhuna në familje dhe krimi kundër pronës dhe në këtë drejtim duhet bashkëpunim.

Deputetja tha se digjitalizimi do të rriste transparencën.

 

"Së pari dua të shpreh mirënjohjen e thellë për qytetarët e Qarkut Fier dhe diasporën që i dhanë PS-së dhe kryeministrit Edi Rama një rezultat historik, 12 mandate si asnjëherë më parë. Kjo është një përgjegjësi e jashtëzakonshme.

Kjo seancë është më shumë sesa një ushtrim formal, është një pasqyrë e qartë për mënyrën se si po forcohet drejtësia, se sa afër është organi i akuzës me qytetarin.

Është e rëndësishme që reformat të zbatohen në çdo prokurori të vendit, në këtë drejtim sistemi digjital do të sjellë rritje të transparencës për punën e prokurorëve.

Në Fier problematika kryesore janë dhuna në familje, krimi kundër pronës.

Rëndësia e hetimeve financiare dhe përdorimi i teknikave të veçanta mbeten thelbësore për të hetuar krimin ekonomik, pastrimin e parave dhe korrupsionin, po aq e rëndësishme është edhe mbrojtja e viktimave të dhunës për të siguruar që çdo viktimë të marrë mbrojtjen që meriton.

Forcimi i drejtësisë është rruga më e sigurt për të rritur besimin dhe për të rritur barazinë para ligjit", tha Çaushi./CNA

 





Lajmet e fundit nga