web counter
LEXO PA REKLAMA!

SHKARKO APP

App Store
Google Play

“Do ta bëjë PS-në si t’i dojë qejfi”/ Lapaj për Reformën Zgjedhore: PD nuk e bëri vjet, se donte të kapte karrige

27 Tetor 2025, 13:02, Politikë CNA

“Do ta bëjë PS-në si t’i dojë qejfi”/

Kryetari i Lëvizjes “Shqipëria Bëhet”, Adriatik Lapaj, ka reaguar sot lidhur miratimin e komisionit të posaçëm për Reformën Zgjedhore gjatë seancës plenare të së hënës.

Përmes një postimi në rrjetet sociale, Lapaj shprehet se kjo reformë do të bëhet sipas dëshirës së Partisë Socialiste sepse i ka votat, ndërsa akuzoi edhe Partinë Demokratike se nuk veproi në kohë prej interesave të veta.

Lapaj pretendon se lëvizja e tij ka qenë e vetmja që ka këmbëngulur për këtë reformë dhe koha po u jep të drejtë.

“Reformën zgjedhore do ta bëjë PS si t’i dojë qejfi.

1. Sot PS i ka votat, ndaj do bëjë atë që i intereson. Këtë ua thamë që para datës 11 maj, kur të gjithë na thonin pse flisni vetëm për sistemin...

2. PD e kishte mundësinë vitin e kaluar ta kushtëzonte, pasi kishte në favor vendimin e Gjykatës Kushtetuese. Nuk e bëri, sepse pa interesin e vet: si e si të kapte nga një karrige dhe të mos lejonte ndryshimin.

3. Partitë e reja e patën mundësinë të bashkoheshin dhe ta shpartallonin sistemin. Ishte kjo arsyeja pse ne u shtrimë dorën, por morëm pas vetëm baltë e sulme. Tani, nuk është koha e duhur të ankohen.

4. Ka vetëm një rrugë: të gjithë me Lëvizjen “Shqipëria Bëhet”, e cila është e vetmja që kërkoj të ndalonte këtë masakër të sistemit zgjedhor. Të gjithë me Lëvizjen që lufton për ndryshimin e sistemit.

Koha po na jep të drejtë!”,-shkruan Lapaj./CNA





Lajmet e fundit nga