E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Berisha-mazhorancës: Nuk doni që opozita të pyesë drejtuesit e institucioneve të drejtësisë për shkeljet tuaja

27 Tetor 2025, 11:00, Politikë CNA

Berisha-mazhorancës: Nuk doni që opozita të pyesë drejtuesit

Kreu i PD-së, Sali Berisha, ka akuzuar mazhorancën se po ndalon deputetët e opozitës që t'u drejtojnë pyetje drejtuesve të institucioneve të drejtësisë. Berisha tha se kjo bëhet sepse socialistët nuk duan t’u zbulohen shkeljet e tyre dhe dosjet që kanë në këto institucione.

"Mendoj se me këtë qëndrim po shkelet parimi i barazisë midis palëve. Nëse pala që pyetet ka të drejtë të përgjigjet, pala që pyet ka të drejtë të lexojë pyetjet. Ka një taktikë që është përdorur edhe për insititucionet, edhe për Këshillin e Ministrave, në raste të caktuara, opozita vendos të heqë dorë nga pyetjet. Nga viti 2022 e këtej, pyetjet janë bërë siç duhet. Në rregulloren e parlamenteve të botës, jo vetëm ka pyetje me shkrim, por çdo deputet ka të drejtë për pyetje edhe të padepozituara. Ju po e hiqni këtë pa asnjë të keq. Ju jeni mëkatarë dhe të gjithë keni dosje tek ata. Ata vetë kanë mëkatet e tyre. Ky është kompromis mes mëkatarëve. Ulsiu nuk do të pyesë për 2 kostumet që i solli Altin Hajri. Nuk do të pyesë për çantën Louis Vuitton, nuk do të pyesë për 500 mijë eurot", tha Berisha.

Ndër të tjera, gjatë replikës me socialistët, Berisha ka lexuar disa komunikime, të cilat sipas tij janë përgjime të Taulant Ballës për blerjen e votave.

"Me datën 10.2.2020, Targeti informon pinin AM5B80 se kishin rënë dakord mes tyre që të mos i kërkonin Taos asnjë tender publik apo favore të tjera përveç atyre që kishin rënë dakord të kërkonin. Ky mesazh iu përcoll Taos dhe i dhanë afat deri në dhjetor. Tao u përgjigj kësaj, e garanton që të gjithë ata njerëz do votojnë, por nëse vendosin në listë ata në burg.
Përgjigja ishte: po, ne e garantojmë këtë.
Më pas, Tao tha: ata do shkojnë në burg këtë vit.
Replika dy!
Shih, merrja pak masën, se ai Olsi u tregua shumë i mirë për nja dy kostume.
Deklaroj unë se është Olsi Dado, ai e përgënjeshtroi burrërisht dhe më detyroi t’i kërkoj falje.
Mora vesh se ishte Ulsiu, Ulsiu nuk e përgënjeshtroi asnjëherë.
Sepse ai atje, në vend se ta thërrasë dhe t’ia zhveshë kostumet, t’ia hedhë në kosh kostumet, ia fsheh dosjet.
Kjo janë arsyet ju që nuk doni pyetjet, por e keni gabim sepse vetë e keni përmbysur...
Ju bëni fjalë për këtë kod, por vetë e keni përmbysur manualin në vitin 2022, 2023, 2024.
Ne nuk ju kemi diktuar përmbysjen e tij.
Po pse? Sepse ai manual kurrë nuk mund të përjashtojë të drejtën e pyetjes me gojë ndaj përfaqësuesit të institucionit.
E keni frikë, e keni nga halli.
Të dy palët.
Ky është kompromis në frikë.
Ky është kompromis në krim.", tha Berisha.