web counter
LEXO PA REKLAMA!

SHKARKO APP

App Store
Google Play

E fundit!

x

Koha për raportimet në Kuvend/ Këlliçi: Deputetët e opozitës të kenë të drejtën e fjalës dhe pyetjeve

27 Tetor 2025, 10:59, Politikë CNA

Koha për raportimet në Kuvend/ Këlliçi: Deputetët e

Deputeti demokrat, Belind Këlliçi, ka reaguar gjatë seancës plenare të kësaj të hëne lidhur me kohën në dispozicion për raportimet në Kuvend nga drejtuesit e institucioneve të drejtësisë, si pjesë e rendit të ditës.

Në fjalën e tij, Këlliçi u shpreh se deputetët e opozitës duhet të kenë të drejtën e fjalës dhe drejtimit të pyetjeve, pasi përfaqësojnë popullin, në një kohë kur kanë ndodhur shumë ngjarje të rënda.

“Është tallje me rregulloren e Kuvendit dhe të drejtën e fjalës së deputeteve. Është tallje edhe me përfaqësuesit e institucioneve. Kjo që thoni për praktikën parlamentare është e konsoliduar. Procedurat e vitit 2023 dhe 2024, janë drejtuar pyetje për drejtuesit e institucioneve të drejtësisë. Për të dalë te një pyetje duhet parashtrim dhe logjikë. Kemi qëndruar edhe mbi 10 orë. Janë drejtuar të gjitha pyetjet nga deputetët e opozitës. Nuk e kuptoj pse doni të hiqni pyetjet. Në një moment kur janë vrarë gjyqtarë nëpër salla. Prej 6 javësh nuk na jepet e drejta e fjalës. E vërteta është që deputetët e opozitës kryejnë një punë voluminoze, përfaqësojnë popullin, ndaj ju lutem të zhvillojnë funksionim normal të seancës”,-tha Këlliçi./CNA





Lajmet e fundit nga