web counter
LEXO PA REKLAMA!

SHKARKO APP

App Store
Google Play

E fundit!

x

“Janë ndryshuar draftet”/ Kapri: Komisioni për Reformën Zgjedhore pa partitë e vogla është shans i humbur

27 Tetor 2025, 10:37, Politikë CNA

“Janë ndryshuar draftet”/ Kapri: Komisioni për

Deputeti Erald Kapri deklaroi se votimi për ngritjen e komisionit për Reformën Zgjedhore nuk ishte veprimi i duhur nga Kuvendi, pasi ka ndodhur një ndryshim i drafteve pa marrë edhe miratimin e partive të vogla.

Në fjalën e tij në seancën e sotme plenare, Kapri u shpreh se mazhoranca dhe opozita nuk mund të marrin të gjitha vendimet vetë dhe për vete.

Kapri theksoi se partitë e vogla në Kuvend kanë peshë, pasi përfaqësojnë 10% të shqiptarëve.

 “Nuk kishte asgjë parlamentare në këtë votim. Mjafton të krahasosh dy draftet. Nuk e di nga e keni marrë këtë praktikë. Draftet janë ndryshuar dy ose tri herë, sikur po bëhet ndonjë pazar politik.
Duhej ta kishit ndaluar. Çdo parti e votuar nga shqiptarët ka të drejtë të marrë pjesë në komision. Nuk mund t’i merrni të gjitha për vete. Përfaqësojnë votën e 10% të shqiptarëve. Ka me dhjetëra delegacione ky Parlament, por asnjë deputet i ri nuk ndodhet në to.
Prandaj, ky ishte një shans i humbur. Janë kërcënuar demokracia dhe ky Parlament, ashtu siç e thekson edhe raporti i OSBE/ODIHR, i cili ndau detaje se një ndryshim i tillë nuk mund të ndodhë në këtë Parlament”,-tha Kapri./CNA





Lajmet e fundit nga