web counter
LEXO PA REKLAMA!

SHKARKO APP

App Store
Google Play

"Do të ndërtojmë një Shqipëri tjetër"/ Berisha: Do të marrë fund vjedhja

23 Nëntor 2024, 19:28, Politikë CNA
"Do të ndërtojmë një Shqipëri tjetër"/
Kreu i demokratëve, Sali Berisha

Kreu i demokratëve, Sali Berisha ka premtuar që me ardhjen e opozitës në pushtet do të bëhet një rishpërndarje tjetër, e cila sipas tij do të garantojë luftën kundër varfërisë.

Gjatë fjalës së tij, ish-kryeministri u shpreh se buxheti do përdoret për të qetësuar dhimbjet e mjerimit dhe varfërisë tek shqiptarët.

"Do të marrë luftë vjedhja e parave të shqiptarëve. Do të bëjmë një ndarje që nuk e ka njohur kurrë më parë Shqipëria.

PD do të angazhohet për një rishpërndarje tjetër, e cila garanton luftën kundër varfërisë në çdo votër, në çdo qoshe, tek çdo individ shqiptar.

Nuk do shpërndahen vetëm të ardhurat. Jo, jo. Do shpërndahen edhe pasuritë.

Nuk mund të paguajnë energjinë elektrike me të njëjtin çmim që paguajnë rrogëlartit, ata që do marrin minimumin jetik 200 euro.

Nuk mund të paguajnë energjinë elektrike me çmimin që paguan një familje me rroga mesatare me një familje me rroga të ulëta, me dy apo tre fëmijë.

Jo dhe jo. Kjo është barazi e papranueshme, e dënueshme.

Merr fund!

Nuk mund të paguajnë faturën e ujit një familje me dy-tre fëmijë dhe me rrogë të ulët apo pensionisti sa një familje me rroga mesatare.

Jo dhe jo. Do marrin fund. Do ketë proporcionale të tjera.

Buxheti do përdoret për të qetësuar dhimbjet e mjerimit dhe varfërisë tek shqiptarët.

Nuk mund të paguajë për shërbimet publike njëlloj si rrogëlarti ashtu edhe rrogëulëti.

Njëlloj si ai që ka shkolluar fëmijët dhe i ka në punë me atë që i ka të vegjël dhe duhet t’i rrisë.

Jo zotërinj, Shqipërinë do ta bëjmë shumë më të drejtë."/CNA





Lajmet e fundit nga