web counter
LEXO PA REKLAMA!

SHKARKO APP

App Store
Google Play

“Diella Rama, akti më skandaloz në historinë e një shteti”/ Berisha: Quhet ndryshe vjedhja e Ramës

15 Shtator 2025, 12:51, Politikë CNA

“Diella Rama, akti më skandaloz në historinë e një

Kreu i PD-së, Sali Berisha, ka komentuar edhe njëherë zgjedhjen e Diellës si ministre AI.

Sipas kryedemokratit, Diella quhet ndryshe vjedhja e Edi Ramës.

“Do të ndalem te Diella Rama, e cila përbën dhe aktin më skandaloz në historinë e një shteti. Një president republike për të dëshmuar se s’ka Kushtetutë dhe as ligj, për të dëshmuar se është një skllav mjeran i akteve të tij të paligjshme, për të dëshmuar se është i nënshtruar totalisht, turpëroi Kushtetutën dhe Shqipërinë duke dekretuar si ministre Diellën virtuale.

Fatmirësisht pas momentit të parë mediat ndërkombëtare filluan ta realizojnë se Diella e Edi Ramës quhet ndryshe vjedhja e Edi Ramës se, prapa Diellës nuk ka asnjë qëllim tjetër veçse largimi i çdo përgjegjësie për vjedhjet dhe vjedhja nëpërmjet Diellës.

Edi Rama është autor dhe bashkautor i dosjeve më të rënda korruptive të vendit, djegësve, afera 'Alabar', tunelit të Llogarasë, aferave energjetike etj. Tashmë Edi Rama gjeti zgjidhjen që përgjegjësia të mos ketë më autor dhe për të mos pasur përgjegjësia autor ai krijoi Diella Ramën. Nuk ka turp më të madh sesa presidenti ta drejtojë, nuk ka fyerje më të madhe për sovranin se të ketë përfaqësues diçka që nuk ekziston”, ka deklaruar Berisha./ CNA





Lajmet e fundit nga