E fundit!

07:14 Sociale

Moti për ditën e sotme

Sot vendi ynë do të jetë nën ndikimin e masave ajrore rela...

Berisha zbulon frikën e madhe të Ramës/ Pse u anulua pushimi i administratës më 6 dhjetor?

1 Dhjetor 2022, 18:46, Politikë CNA

Berisha zbulon frikën e madhe të Ramës/ Pse u anulua pushimi i

Kreu i PD-së , Sali Berisha

Kryeministri Edi Rama ditën e sotme ka përgënjeshtruar lajmin se më datë 6 dhjetor administrata do të jetë pushim.

Por, kreu i PD, Sali Berisha ka zbuluar skenarin duke treguar sipas tij arsyen e vërtetë që fshihet pas anulimit të pushimit më 6 dhjetor.

Gjatë takimit me banorët e degës 1 dhe 3 në Tiranë, Berisha është shprehur se Rama është i tmerruar nga protesta dhe se friksohej se administrata do të dilte të protestonte më 6 dhjetor bashkë me demokratët.

Ndërsa më tej shtoi se, “Kur kuptoi që administrata e tërë do të derdhej në shesh, e anuloi tha ka qenë lajm i rremë, kur ata ishin njoftuar të gjithë”.

“Edi Rama është tmerruar nga protesta dhe po të keni vënë re ju, të gjitha antenat e tyre, të gjithë gazetat dhe portalet e tyre, duan ta paraqesin sikur po bëhet kiameti në datën 6.

Në datën 6 është triumfi i popullit opozitar, i cili do ti thotë Europës dhe botës se ky kryeministër është një mafie, mafioz i rrezikshëm për popullin e tij, se kjo qeveri është mafioze.

Se vërtetë jeni në Shqipëri, por ata institucione perëndimore që vlerësojnë funksionimin e shtetit ligjor, kanë gjetur Shqipërinë që është. 53 vende nën Kosovën, sepse Kosova zbaton ligjin, që do të thotë barazi para ligjit, garanci për të drejtat e njeriut.

Po nuk ndalet me kaq. Është 4 vende poshtë Vietnamit komunist.

Shkoni ju në gjykata, nuk fitohen procese kundër qeverisë më, të gjitha i fiton me telefon Edi Rama me Engjëll Agaçi. Ky pra është një motiv tjetër themelor që në datën 6 të protestojmë për çdo shqiptar që nuk mund të jetë i pranishëm aty.

E morët vesh çfarë bëri. E anuloi ditën e pushimit për administratën, sepse u tmerrua, sepse administrata mund të dilte në protestë me ne. I bëj thirrje administratës të vijnë tek ne. Kur kuptoi që administrata e tërë do të derdhej në shesh, e anuloi tha ka qenë lajm i rremë, kur ata ishin njoftuar të gjithë”, ka deklaruar Berisha./ CNA.al