web counter
LEXO PA REKLAMA!

SHKARKO APP

App Store
Google Play

Berisha zbardh prapaskenat/ Synimi ‘i errët’ i Ramës me pallatet e rindërtuara nga tërmeti

4 Tetor 2022, 17:29, Politikë CNA
Berisha zbardh prapaskenat/ Synimi ‘i errët’ i Ramës me
Kryetari i PD-së, Sali Berisha

Kryetari i PD-së, Sali Berisha, ka ngritur akuza ndaj kryeministrit Edi Rama gjatë një vizite në familjen e Martin Jakut, në Bubq të Fushë-Krujës.

Berisha tha se Rama nuk i jep pallatet e rindërtuara për shkak të tërmetit të 26 nëntorit të 2019-ës, pasi pretendon se ka si synim që t’i përdorë për vota.

“Unë isha në Shijak. Kishte pallate të ndërtuara, por nuk i shpërndanin sepse po presin zgjedhjet që t'i përdorin për vota. Bota i dha 1 miliard e më shumë, dhe mund të ndërtohej, rindërtohej çdo banesë.

Dje në Parlament ishte dita kur ne duhej të paraqisnim hallet e qytetarëve, diskutimet u kushtohen halleve dhe problemeve të qytetarëve. Dje u thashë aty, sepse ata merren si të mbrojnë atë qeveri, ata ministria dhe mendojnë çdo ditë për veten dhe pasurimin e tyre.

Nuk mendojnë për qytetarët, nuk mendojnë as për zonat e tyre elektorale nga ku kanë dalë. Mendojnë si të mbrojnë Edi Ramën dhe qeverinë e tij, e cila po zhytet çdo ditë e më shumë në skandale të mëdha, në vjedhje, plaçkitje, lidhje me botën e krimit dhe braktisjen e qytetarëre.

Këta kanë harruar se ekziston qytetari, hallet e përditshme të tij. i kanë rritur çmimet në qiell, nuk ka turp më të madh. Një shtet që lë punonjëse, që ka shkrirë jetën në kujdesin e shëndetit të banorëve të kësaj zone, në një çadër”, theksoi kreu i PD-së./ B.A. – CNA.al





Lajmet e fundit nga