web counter
LEXO PA REKLAMA!

SHKARKO APP

App Store
Google Play

E fundit!

x

Berisha i kërkon llogari ambasadores Kim/ Pse hesht për skandalin McGonigal?

7 Shkurt 2023, 21:38, Politikë CNA
Berisha i kërkon llogari ambasadores Kim/ Pse hesht për skandalin
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka akuzuar ambasadoren Yuri Kim si pjesëtare e skenarit për shkatërrimin e opozitës.

Berisha tha gjatë intervistes me gazetaren Alba Alishani se ambasadorja e SHBA-së është sjellë si motër siameze me McGonigal, e cila sipas tij u korruptua dhe u angazhua në luftë të turpshme dhe pa princip për të shkatërruar opozitën shqiptare.

Berisha theksoi se ambasadorja Yuri Kim punoi sipas tij për forcimin e pushtetit të Edi Ramës.

“Kam me qindra fakte për këtë dhe unë jam sot këtu për t’u rikujtuar shqiptarëve se shpallja non e Sali Berishës, të cilin e kam deklaruar si një vendim të bazuar në lobim korruptiv të Edi Ramës e Soros. Nuk besoj se ka shqiptar që nuk i di përpjekjet antikushtetuese e antiligjore, antidiplomatike të guvernatores Yuri Kim, njeriun që ajo donte kryetar opozite për të vendosur në kontroll të plotë opozitën e një vendi, e cila tani hesht.

Kim hesht, sepse është sjellë si motër siameze me McGonigal, ashtu siç u korruptua McGonigal dhe u angazhua me fuqinë e postit të tij kundër opozitës po kështu u korruptua zonja Kim dhe u angazhua në luftë të turpshme dhe pa princip për të shkatërruar opozitën shqiptare. E kam denoncuar me kohë, po kështu u korruptua zonja Kim dhe u angazhua në luftë të turpshme për të shkatërruar opozitën shqiptare.  Duke mos paraqitur dot shqiptarëve dhe komunitetit ndërkombëtar qoftë edhe një provë të vetme, kur opozita ishte dhe është popullata më proamerikane, i tregoi barin, i bëhej thirrje për të mos votuar këtë apo atë. Kur emisarë vinin dhe thoshin se kishin dosje për t’ua sjellë”, tha kreu i PD-së.

Berisha po ashtu ngriti pikëpyetjet e forta ndaj ambasadores dhe heshtjes së saj për çështjen McGonigal.

Kreu i PD-së u shpreh se pse Yuri Kim nuk u thotë një fjalë në këtë moment krize më të thellë pas ndërprerjes së marrëdhënieve diplomatike nga Enver Hoxha me SHBA.

Akuzat Berisha i thelloi gjithashtu teksa tha se Yuri Kim nuk kishte respekt për shqiptarët, por ndiqte një agjendë që synonte shkatërrimin e opozitës dhe forcimin e pushtetit të Edi Ramës.

“Mediat kanë denoncuar për vakancat e saj me qeveritarë dhe afër tyre, nuk mohohen këto dhe këto janë thënë publikisht disa herë. Nuk ka një Agron Nezë që të çojë paratë dhe të japë në restorant a parking, por korrupsioni ka qenë në forma të ndryshme. Kanë qenë veprime korruptive të mirëfillta që nuk shprehnin parimet e mëdha mbi të cilat është ndërtuar kushtetuta e SHBA. Pse hesht zonja tani? Ajo që u ka fol shqiptarëve detin e malet, për Enkelejdin e Lul Bashën, për Ramën e të gjithë ministrat me radhe, pse nuk u thotë një fjalë në këtë moment krize më të thellë pas ndërprerjes së marrëdhënieve diplomatike nga Enver Hoxha me SHBA. A ka një detyrim ajo? Ajo nuk kishte respekt për shqiptarët, ndiqte një agjendë që synonte shkatërrimin e opozitës dhe forcimin e pushtetit të Edi Ramës, më të korruptuar. Ajo është pjesë e këtij skenari”, deklaroi ai.

Për ta treguar korrupsionin, Berisha ka përmendur mediat të cilat kanë publikuar pushime të saj me qeveritarë dhe afër tyre./ CNA.al





Lajmet e fundit nga