web counter
LEXO PA REKLAMA!

SHKARKO APP

App Store
Google Play

Berisha: Gati të bëjmë analizën më të shkëlqyer brenda PD-së, që të rrëzojmë regjimin e Ramës

17 Dhjetor 2025, 17:51, Politikë CNA

Berisha: Gati të bëjmë analizën më të

Kreu i Partisë Demokratike, Sali Berisha deklaroi sot se tanimë, pas mbrojtjes së votës së qytetarëve nga farsa, demokratët janë gati që të vijojnë diskutimet dhe analizat brenda partisë, që do të çojnë në rrëzimin e qeverisë së drejtuar nga Edi Rama.

Në fjalën e tij në mbledhjen e Këshillit Kombëtar të PD-së, Berisha u shpreh se deri më sot është bërë një përpjekje e fuqishme dhe serioze në këtë drejtim.

Sipas Berishës, është detyrë e PD-së ndaj qytetarëve, vendit dhe kombit që të bëhet ky hap i radhës.

“Ka vetëm një rrugë, largimin e Ramës nga pushteti. Nëse nuk e parandalojmë farsën, duhet ta vërtetojmë, si detyrim ndaj zgjedhësve shqiptare. Në një përpjekje serioze dhe të fuqishme për mundësitë tona, e realizuam plotësisht këtë objektiv. Jo vetëm kaq, por Edi Rama bëri gjithçka për kërcënimet banditeske, shërbimet korruptive për të shndërruar raportin e ndërkombëtarëve. E vërteta është që vota u mbrojt, njësoj si në vitin 2001. Për çdo demokrat, e qytetar, ne e mbrojtëm votën. Do thoni ju ç’ lidhje ka mbledhja? Rama kërkonte me qiri kur të gjente shkak brenda nesh që t’ua serviste vëzhguesve. Ne kishin përparësi absolute mbrojtjen e votës. Lexoni vetëm një rresht nga rekomandimet e deputetëve të KE-së. Këtu zgjedhjet u zhvilluan mes nesh dhe shtetit. PS është njësh me shtetin, nuk kishte zgjedhje. Ka qenë një kohë e vendimeve të pakta. Tani, pa diskutim, që këtë forum e këtë organ dhe të tjera të partisë, nuk mund t’i pengojë asgjë që të bëjnë debatin më serioz, më të përgjegjshëm, analizën më të shkëlqyer dhe kjo me qëllimin për një PD që rrëzon këtë regjim. Si kusht i të gjitha kushteve për të pasur zgjedhje të lira. Ne vijmë sot në provën me të madhe para vetes, kombit, shqiptarëve”,-thja Berisha./CNA





Lajmet e fundit nga