web counter
LEXO PA REKLAMA!

SHKARKO APP

App Store
Google Play

BKH në Kryeministri/ Shehaj: Ramën e ka kapur frika, është trembur se do i vijë radha

15 Dhjetor 2025, 22:26, Politikë CNA

BKH në Kryeministri/ Shehaj: Ramën e ka kapur frika, është

Deputeti dhe kreu i partisë Mundësia, Agron Shehaj u shpreh sot lidhur me praninë e agjentëve të Byrosë Kombëtare të Hetimit në ambientet e Kryeministrisë.

Në një studio televizive, Shehaj tha se kryeministri Edi Rama është trembur sepse hapi i radhës mund të ketë lidhje drejtpërdrejtë me të.

 “E para koha ka treguar që politikanët e korruptuar nuk ikin vetë, por ikin se merren të pandehur. Duhet të dënohen që të largohen nga posti apo karrigia. Kjo është thelbësore. Jemi apo s’jemi një nga vendet më të korruptuar në botë. Ajo drejtësia që thoshin nuk mund të merreni me peshqit e vegjël. Tani që po vehet te rrethi i ngushtë i Ramës, që po i vete SPAK-ut zyra Ramës. Krerët e BKH ikën me urdhër nga SPAK-u në kryeministri. Mendoni çfarë mund të ketë ndodhur aty. Këta kanë trokitur atje. Imagjinoni Ramën, gjëja e parë që bënë Garda merr në telefon shefin. Ramën e ka kapur frika. E di çfarë ka ndodhur aty. I kanë mbajtur jashtë 2 orë krerët e BKH sepse Rama donte ta dinte pse po i venin ata. Për çfarë arsye po shkonin. Është shumë domethënëses ajo që ka ndodhur dhe tregon edhe pse Rama ka reaguar ashtu. Rama është trembur. Është e qartë që radha do i vi Ramës. Ne duhet të shohim çfarë ndodh jashtë Europës. Jashtë janë arrestuar janë dënuar edhe me burg. Ne vazhdojmë me këtë shikimin tonë të ngushtë, provincial, e dorëzojë pistoletën apo jo. Se ca faj ka oficeri”,- u shpreh Shehaj./CNA





Lajmet e fundit nga