web counter
LEXO PA REKLAMA!

SHKARKO APP

App Store
Google Play

E fundit!

x

“BE duhet të na gjejë gati”/ Rama-fermerëve: Nuk mungojnë paratë, mungojnë projektet

15 Dhjetor 2025, 13:10, Politikë CNA

“BE duhet të na gjejë gati”/ Rama-fermerëve: Nuk

Kryeministri Edi Rama, gjatë fjalës së tij në takimin me fermerët dhe sipërmarrësit në bujqësi, u shpreh se ata duhet të kërkojnë më shumë mbështetje financiare për projektet e tyre.

Rama theksoi se problemi nuk është te paratë, por te mungesa e projekteve. Ai shtoi më tej se bashkitë duhen vendosur në një presion pozitiv lidhur me zhvillimin e fshatit dhe mbështetjes së fermerëve.

“Na duhet të ndërtojmë projektet e duhura, partneritetet e duhura dhe na duhet vetëm të disbursojmë që të ketë shumë më tepër para në duart tuaja për të investuar në fermë dhe në rritjen e standardeve dhe cilësisë. BE vjen si një bekim për ata që janë të përgatitur dhe si mallkim për ata që nuk janë gati. Kërkesa për standardet e sigurisë dhe cilësinë jo thjesht bëhet e pranishme në çdo hap, por shoqërohet me instrumente kontrolli shumë të rrepta që dhe të nxjerrin nga tregu. Por katër vjet janë të mjaftueshme që të përgatiteni dhe ajo ditë t'ju gjejë gati. Do t'ju kërkoja të jeni më aktiv në kërkimin e mbështetjes financiare sepse instrumentet janë. Është buxheti i shtetit, Agjencia për Zhvillimin Bujqësor dhe Rural, linja e re e financimit të Bankës së Shqipërisë. Mirëpo sërish ndodhemi në situatën që problemi nuk është te paraja, por te projektet. Nuk është problemi te fuqia e qeverisë për të mbështetur rritjen e sipërmarrjes në bujqësi, por te mungesa e një sipërmarrjeje aktive në kërkim të fondeve me projektet e duhura. Këto gjëra bëhen me aleancat e duhura, jo vetë. Bashkitë duhen vendosur në një presion pozitiv për sa i përket zhvillimit të fshatit, mbështetjes së fermerëve.

Ende sot kryebashkiakët në shumicën e rasteve fshatin e shohin vetëm për të bërë punët komunale të qytetit. Të gjitha këto janë të rëndësishme, por më e rëndësishmja e fshatit është toka që prodhon dhe ato që janë te toka. Kjo është një fjalë për atë që ne si qeveri kemi bërë gati për fshatin dhe për ju. Kemi ikur nga koha kur njerëzit turreshin nëpër rrugë për të shitur prodhimin. Ajo bota ku ne duam të bëhemi pjesë ka fluturuar. Prandaj dhe ne duhet të bëhemi ambiciozë duke kërkuar më shumë nga vetja”, tha Rama. /CNA





Lajmet e fundit nga