web counter
LEXO PA REKLAMA!

SHKARKO APP

App Store
Google Play

“Fluturon...fluturon...macja”/ Rama komenton mbi zhvillimet politike në podcastin 'Flasim'

14 Dhjetor 2025, 09:35, Politikë CNA

“Fluturon...fluturon...macja”/ Rama komenton mbi zhvillimet politike

Kryeministri Edi Rama është shfaqur sot në episodin e 10-të të podcastit “Flasim”.

Në këtë podcast të përjavshëm, Rama ndalet në një sërë ngjarjes nga politika dhe jo vetëm.

Në episodin e quajtur “Fluturon..fluturon...macja”, Rama  e ka nisur me disa zhvillime të javës që po lëmë pas, si takimet në Jordani me Mbretin Abdullah, dekoratat e Urdhrit të Skënderbeut, por edhe zgjedhjen e drejtuesit të ti të SPAK-ut.

Vizita në Jordani – Procesi i Aqabes 

"Javën që kaloi zhvillova një vizitë në Jordani, i mikpritur në mënyrë shumë të veçantë nga Mbreti i Jordanisë Abdullah II, një monark i respektuar botërisht, një mik i çmuar i popullit shqiptar dhe një mik shumë i mirë i imi personalisht. Patëm iniciuar bashkërisht, një dekadë më parë Procesin e Aqabes, një nismë kuptimplotë e udhëhequr dhe fokusuar në përballjen e qartë me terrorizmin dhe ekstremizmin e dhunshëm, nën kujdesin e veçantë të Madhërisë së tij. Në raundin e takimit të dhjetorit, Shqipëria ishte në krah të Jordanisë, duke bashkëkryesuar tryezën e madhe të udhëheqësve të komuniteteve fetare të Ballkanit, ku morën pjesë edhe udhëheqësit e komuniteteve tona fetare, gjë që do ta përsërisim, duke e zgjeruar vitin e ardhshëm, këtu në Shqipëri,  së bashku me Madhërinë e Tij",-deklaroi Rama. 

Lahuta Shqiptare, pasuri botërore e UNESCO-s!

"Arti i prodhimit te lahutës, i të luajturit e të kënduarit me të, është shpallur zyrtarisht pjesë e Trashëgimisë Kulturore Botërore Jomateriale të UNESCO-s, në listën që kërkon mbrojtje urgjente. Ky është një nga sukseset më domethënëse të Ministrisë sonë të Kulturës e Turizmit, në mbrojtjen e promovimin e identitetit tonë kombëtar e kulturor.

Dosja e përgatitur sipas standardeve më të larta të UNESCO-s u dorëzua në mars 2024 dhe dua t’i falenderoj për punën të gjitha ata, që u përfshinë me pasion në këtë proces",-tha Rama. 

100-vjetori i Urdhrit të Skënderbeut

"Një tjetër moment i bukur i javës, ishte 100 vjetori i Urdhrit të Skënderbeut, Urdhër i shpallur në vitin 1925 nga asokohe republikani Ahmet Zogu, një urdhër,  i cili në 100 vjetorin e vet erdhi edhe si rilindje e sistemit europian shqiptar të urdhrave dhe medaljeve, një urdhër për të bashkuar në një sistem të ri europian vlerash, sa të ri edhe të hershëm tradicional, të shkuarën dhe të tashmen. 

Duke e përkujtuar me solemnitetin që e meritonte 100 vjetorin e Urdhrit të Skënderbeut, i cili e riintegroi Shqipërinë në konstelacionin e sistemeve europiane të urdhrave e medaljeve, duke i dhënë fund asaj shpërndarjes pa kriter e karar të teneqeve të shëmtuara, si rezultat i degradimit 80 vjeçar, fillimisht me sistemin e dekoratave sovjetike dhe pastaj me sistemin pa sistem në kaosin e dekoratave masovike po i quaj.

Jam krenar, që më në fund Shqipëria ka edhe Kancelarinë e Urdhrave dhe Medaljeve, e cila është një tjetër ngrehinë institucionale e sistemit europian të urdhërave dhe medaljeve, një shtëpi e munguar e kujtesës dhe kujdesit për vlerat e larta të qytetarisë e të shtetësisë, të mishëruara ndër urdhra e medalje, e që do të shërbejë si një muze i meritës së lartësuar, në nderim dhe vatër frymëzuese për shoqërinë e për gjeneratat e reja",-u shpreh Rama./CNA 

 





Lajmet e fundit nga