web counter
LEXO PA REKLAMA!

SHKARKO APP

App Store
Google Play

E fundit!

x

Më i votuari në Primare: Beteja nuk është me PD-në dhe demokratët, por me Edi Ramën

13 Dhjetor 2025, 21:19, Politikë CNA

Më i votuari në Primare: Beteja nuk është me PD-në dhe

Hysen Kadiu, demokrati nga Kavaja, që rezultoi më i votuari në Primaret e Partisë Demokratike, ka reaguar sot pas mbledhjes së Kryesisë së partisë.

Përmes një postimi në rrjetet sociale, Kadiu thekson se beteja e vërtetë e demorkatëve nuk është me PD-në, por me kryeministrin dhe kryesocialistin Edi Rama.

Sipas Kadiut, demokratët kanë sot më shumë se kurrë nevojë për bashkim dhe jo për përçarje, për organizim dhe jo për “armiq të brendshëm”.

"Sot në mbledhje të Kryesisë, kryetari Sali Berisha, ndër të tjera, ka hedhur akuza edhe ndaj meje, se gjatë fushatës së zgjedhjeve të 11 majit kam punuar për Edi Ramën dhe nuk kam dhënë asnjë kontribut për PD.
I them doktor Berishës dhe të gjithë atyre që i rrinë afër dhe e kanë keqinformuar, se aktiviteti im gjatë fushatës është publik në Facebook-un tim. Sikundër, më mirë se kaq, këtë e dëshmojnë qytetarët e Kavajës dhe zonave përreth, që si në fushatë, para dhe pas saj, kemi qenë në kontakte dhe takime të vazhdueshme.
Beteja jonë nuk është me PD-në dhe demokratët, por me Edi Ramën. Çdokush që përpiqet të hedhë baltë mbi kontributin tim personal dhe të gjithë atyre që duan më të mirën për PD-në, janë të interesuar vetëm për karrigen e tyre.
Demokratët kanë sot më shumë se kurrë nevojë për bashkim dhe jo për përçarje, për organizim dhe jo për “armiq të brendshëm”. Asgjë e keqe nuk i vjen PD-së nga kritikat dhe riorganizimi. Sikundër uji i ndenjur prej shumë vitesh ka nevojë për rifreskim, dhe këtë e thonë me zë të ulët edhe ata që përpara Sali Berishës heshtin.
Ndërsa ne kemi vendosur ta themi me zë të lartë, përpara se të jetë vonë",-shprehet Kadiu./CNA 





Lajmet e fundit nga