web counter
LEXO PA REKLAMA!

SHKARKO APP

App Store
Google Play

“Foltorja” në Elbasan/ Berisha: Duhet të analizojmë problemet që patëm në këto zgjedhje

12 Dhjetor 2025, 18:27, Politikë CNA

“Foltorja” në Elbasan/ Berisha: Duhet të analizojmë

Kryetari i Partisë Demokratike, Sali Berisha po mban fjalën e tij në “Foltoren”, e organizuar kësaj here në Elbasan, ku janë të pranishëm deputetë dhe qytetarë. Berisha hodhi akuza ndaj kryeministrit Edi Rama se ka tentuar të ndërhyjë në raportin e OSBE/ODIHR për zgjedhjet e 11 majit.

Nga ana tjetër, kryedemokrati shtoi se pavarësisht evidemtimeve në raportin e OSBE, PD duhet të analizojë edhe problemet që pati në këto zgjedhje.

“Edi Rama përdori të gjithë lidhjet e tij të ndryshonte raportin e OSBE. Raporti u vonua si kurrë ndonjëherë, një muaj e gjysëm. Ndërhyrje të fuqishme nga Mogherinërat e të tjerë. Por raporti doli dhe tha se zgjedhjet kanë qenë farsë elektorale. Raporti i deputetëve të KE rekomandon se në Shqipëri duhet të ndahet partia nga shteti. Në Shqipëri u zhvilluan zgjedhjet njëlloj si në diktaturë autoritare. Në PE, një nga deputetët e atij parlamenti deklaroi se në Shqipëri krimi i organizuar nuk lejon rrotacionin e pushtetit. Tani jemi në një nga momentet më kritike të historisë tonë. Pa votë të lirë, të ardhme nuk kemi. Ne duhet të zotohemi të bëjmë atë që bënë 35 vite më parë, guximtarët e Elbasanit. U përleshën dhëmb për dhëmb me diktaturën. Dy vite më parë na izoluar në thellësitë më të mëdha. Janë 7 rezoluta botërore që sanksionojnë të gjitha këto që themi këtu. Po a duhet të them se ne nuk duhet të analizojmë veten tonë. Përkundrazi, ne duhet të analizojmë problemet që patëm në këto zgjedhje. Jo se do i fitonim sepse në kushtet e partisë shtet nuk fitohen zgjedhje. Përpjekja jonë e vetme duhet të jetë t’i përvishemi dhëmb për dhëmb Edi Ramës”, tha Berisha. /CNA





Lajmet e fundit nga