web counter
LEXO PA REKLAMA!

SHKARKO APP

App Store
Google Play

E fundit!

x

“Salianji, delja e zezë”/ Ish-deputeti: Problemi më i madh i PD-së, mungesa e guximit politik

15 Dhjetor 2025, 17:13, Politikë CNA

“Salianji, delja e zezë”/ Ish-deputeti: Problemi më i madh

Ish-deputeti demokrat, Enkelejd Alibeaj komentoi sot situatën e krijuar brenda Partisë Demokratike.

I ftuar në A2CNN, Alibeaj tha se problemi kryesor është mungesa e guximit politik për të adresuar hapur përgjegjësinë për gjendjen aktuale të PD-së.

Alibeaj shtoi se ka edhe kritika të dyshimta ndga disa emra brenda PD-së, një prej të cilëve edhe Ervin Salianji.

“Problemi kryesor i Partisë Demokratike është i qartë dhe i identifikueshëm, por mungon guximi politik për ta adresuar hapur. Përgjegjësia për gjendjen aktuale të PD nis nga kryetari i saj dhe nuk mund të shmanget me kritika periferike apo qëndrime të paqarta.

Nëse këta aktorë politikë e kanë seriozisht shqetësimin për gjendjen e partisë dhe për interesin publik, duhet të tregojnë jo vetëm guxim moral, por edhe intelektual e politik për të vënë gishtin mbi plagë.

Nëse ata pretendojnë se gjendja e Partisë Demokratike është kjo që është sot, atëherë duhet ta gjejnë shkaktarin dhe shkaktari ka vetëm një emër: kryetari i partisë. Përgjegjësia fillon nga kryetari.

Deri më tani nuk ka parë një qëndrim të qartë dhe të vendosur nga figura si Ervin Salianji apo të tjerë për ta artikuluar këtë përgjegjësi në mënyrë të hapur. Madje, sipas tij, deklarata të fundit publike tregojnë se disa prej tyre vijojnë të mbështesin të njëjtat figura edhe në zgjedhjet e ardhshme, çka e bën të dyshimtë seriozitetin e kritikave të tyre”,-tha Alibeaj./CNA





Lajmet e fundit nga