web counter
LEXO PA REKLAMA!

SHKARKO APP

App Store
Google Play

Kërkesa e SPAK për Ballukun/ Këlliçi: Dorëheqja e Ramës, akt i domosdoshëm

16 Dhjetor 2025, 19:00, Politikë CNA

Kërkesa e SPAK për Ballukun/ Këlliçi: Dorëheqja e

Deputeti i PD-së Belind Këlliçi ka reaguar në lidhje me kërkesën e SPAK për Kuvendin për heqjen e imunitetit të Belinda Ballukut.

Sipas Këlliçit, në këtë rast dorëheqja e kryeministrit Edi Rama është një akt i domosdoshëm, urgjent, i pashmangshëm madje dhe i vonuar.

“E pandehura Belinda Balluku!

Prokuroria e Posaçme sot i ka kërkuar Kuvendit të Republikës së Shqipërisë, heqjen e imunitetit të zëvendëskryeministres, deputetes Belinda Balluku, për të bërë të mundur arrestimin e saj.

Nuk ka më asnjë alibi!

Kuvendi i Shqipërisë sigurisht që duhet t’i heqë imunitetin kësaj kleptomaneje ekzemplare, të cilën e rivalizon vetëm Edi Rama!

Por edhe kjo nuk mjafton.

Dorëheqja e Edi Ramës sot është një akt i domosdoshëm, urgjent, i pashmangshëm dhe madje i vonuar.

Manovrat e tij politike, mediatike apo institucionale për të shpëtuar veten dhe bashkëpunëtorët kanë marrë fund.

Pas dorëheqjes duhet të vijë një proces i gjatë reflektimi shtetëror e shoqëror, se si kjo bandë kriminale dhe Grup i Strukturuar Kriminal arriti deri në majat e shtetit.

Hapi i radhës, pashmangshmërisht duhet të jetë krijimi i kushteve për zgjedhje të lira ku shqiptarët të shprehin vullnetin e tyre.

Nuk ka zgjedhje e aq më pak anëtarësim në BE me Edi Ramën dhe klikën e tij të kriminalizuar!

Çdo shqiptar sot duhet të jetë i vetëdijshëm për këtë realitet dhe të ushtrojë të gjithë forcën e vullnetit të tij për një Shqipëri të lirë nga krimi i ndërthurur pistë me korrupsionin.

Nuk ka asnjë zgjidhje tjetër.

Kjo është një luftë pa kthim për demokracinë, për të ardhmen e vendit tonë, për Shqipërinë”, shkruan Këlliçi./ CNA





Lajmet e fundit nga