web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza Ramës: Fjalimi i sotëm i përgatitur nga Vuçiçi, kërkojnë të ndajnë Kosovën

12 Tetor 2023, 13:11, Politikë CNA
Berisha, akuza Ramës: Fjalimi i sotëm i përgatitur nga
Sali Berisha

Ish-kryeministri Sali Berisha në fjalën e tij në Kuvend u shpreh se fjalimi i sotëm i kryeministrit Edi Rama për situatën në Kosovë, ishte shkruar në zyrat e Vuçiçit.

Sipas Berishës qëllimi i Ramës është të portretizojë Kurtin si djall me zile. 

Teksa e quajti Ramën argat të Vuçiçit, ai tha se ky i fundit ka firmosur diku për të ndarë Kosovën. 

"Zonja drejtuese e seancës, që sot nderove në mënyrën më hipokrite deputetët martirë të opozitës së parë shqiptare, sepse ke përjashtuar 8 deputetë të opozitës në shkelje të çdo ligji, çdo rregulli, çdo norme nga parlamenti, me arbitraritetin e padronit tënd si skllave e tij. Por sot jam këtu për të denoncuar përsëri atë që populli e Kosovës e quan vëllau i Vuçiçit, analistë të mirënjohur perëndimorë e quajnë Pashiqi shqipfolës, kurse PD e ka shpallur prej vitesh argat të Vuçiçit dhe Beogradit. E denoncoj sot sepse në një kohë kur u arrit një konsensus për t’i dhënë mbështetje të plotë rezolutës së Republikës së Kosovës, ai lexoi këtu një fjalim të shkruar fjalë për fjalë dhe rresht për rresht në Beograd. Sot, kreu juaj kishte ndërruar fjalimshkruesin. Fjalimi që lexoi këtu para jush është fjalim i shkruar në zyrat e Aleksandër Vuçiçit. Ky fjalim kishte qëllim kryesor, në prag të samitit të Procesit të Berlinit në Tiranë, të portretizonte si djall me zile, kryeministrin e Kosovës. Kishte qëllim të mbronte padronin e tij, serbomadhin Aleksandër Vuçiç. Kishte për qëllim të bllokonte çdo lloj përpjekje që mund të bëhej për ndonjë hap pozitiv në drejtim të klimës midis Serbisë dhe Kosovës, klimë konflikti pas agresionit të grupeve terroriste, të dërguara nga Serbia, të armatosura në Serbi. Dhe të strehuara tani në Serbi. A e shihni pra, se si u përdor sot, kjo platformë?", u shpreh Berisha./CNA





Lajmet e fundit nga