web counter
LEXO PA REKLAMA!

SHKARKO APP

App Store
Google Play

Bashës “i djeg miza nën kësulë”/ Pasi i denoncuan katet dhe takimet me oligarkë, kërkon të kushtëzojë deputetët

9 Tetor 2023, 10:05, Politikë CNA
Bashës “i djeg miza nën kësulë”/ Pasi i
Lulzim Basha

Lulzim Basha gjatë ditëve të fundit ka pasur një përplasje me deputetin e Partisë Demokratike, Gazment Bardhi.

Ky i fundit i denoncoi në Kuvend katet e përfituara nga familjarët e tij nga oligarkët, çështje të cilën e kishte denoncuar më parë edhe CNA.

Pas përplasjeve, Bardhi zbuloi se disponon një video, ku Lulzim Basha takon një biznesmen ndërtimi dhe i kërkon falje për akuzat që ka ngritur në daljet publike.

Bashës, të cilit duket se “i ka djegur miza nën kësulë”, kërkon të kushtëzojë fjalën e deputetëve.

Ai deklaron se do të dorëzojë në Kuvend një amendament, ku do të kërkojë që deputetëve t’u hiqet imuniteti para ndjekjeve penale nga SPAK-u dhe të mbajnë përgjegjësi për deklaratat që bëjnë.

“Brenda këtij muaji ky amendament do të paraqitet nga Grupi Parlamentar i Partisë Demokratike në Kuvendin e Shqipërisë:

1. Të hiqet imuniteti i deputetëve para ndjekjeve penale nga SPAK-u.

2. Deputeti të mbajë përgjegjësi për deklaratat që bën.

Deputeti nuk duhet të ketë imunitet mkur SPAK ndërmerr një hetim ndaj tij. Pse një fermer për një kredi të vogël shkon pa imunitet te prokurori, madje shkon dhe në paraburgim, kurse një deputet apo ministër që akuzohet se ka vjedhur 5, 50 apo 200 milionë euro nuk shkon dot pa iu hequr imuniteti me tam tame e ceremoni? E ndërkohë merr arratinë sepse e ka marrë vesh e gjithë bota siç është rasti i ish-zëvendëskryeministrit të Edi Ramës? Ky është sot burim i pengesave të drejtësisë për të vendosur para ligjit pushtetarët, deputetët, ministrat e korruptuar.

Po kështu ne do kërkojmë që Deputeti të mbajë përgjegjësi për deklaratat e tij. Dy entitete nuk mbajnë përgjegjësi sot për atë që thonë: deputetët e Kuvendit të Shqipërisë dhe personat me kartelë psiqike. Salla e Kuvendit, është kthyer në një sallë banalitetesh. Kjo duhet të marrë fund. Çdo denoncim i deputetit nga aula e Kuvendit, duhet të jetë burim për hetim nga prokuroria. Dhe hetimet ose do të çojnë para drejtësisë ata që deputeti denoncon, ose do të çojë para drejtësisë deputetin si gënjeshtar, mashtrus dhe shpifës. Vetëm kështu i japim fund politikës së privilegjeve për pushtetarët, për të ofruar politikën në shërbim të njerëzve”, shkruan Basha në rrjetet sociale./ CNA





Lajmet e fundit nga