web counter
LEXO PA REKLAMA!

SHKARKO APP

App Store
Google Play

Bardhi, kundër deputetëve të vulës/ "Zgjedhjet për kreun e ri të PD-së shkelin statutin"

7 Qershor 2023, 22:34, Politikë CNA
Bardhi, kundër deputetëve të vulës/ "Zgjedhjet për
Kryetari i grupit të PD-së së vulës, Gazment Bardhi

Kryetari i grupit të PD-së së vulës, Gazment Bardhi, ka kundërshtuar vendimin e Kryesisë së PD-së së vulës për të mbajtur zgjedhje më 29 korrik të këtij viti për kreun e ri të PD-së.

Bardhi tha në një intervistë me Alba Alishanin se zgjedhjet në 29 korrik shkelin statutin e PD-së.

Sipas tij, ky proces është jo transparent dhe çon në një ndarje tjetër të partisë.

“Organizimi i një procesi zgjedhor për kryetarin e partisë, në procedurën që është miratuar nga Kryesia e Partisë, bie ndesh me statutin e Partisë Demokratike. Nëse do të ishte e mundur nga pikëpamja statutore nuk kam asnjë kundërshtim. Por që unë të organizoj një proces jo transparent dhe që çon në ndarje tjetër të partisë, nuk ka për të qenë qëndrimi i Sekretarit të Përgjithshëm të PD.

Së pari, certifikimi i anëtarësisë sipas vendimit që ka marrë Kryesia duhet të bëhet nga kryetari i degës dhe grupi i punës që ngre ai. Pra, kryetari i një dege cakton dy ose 3 bashkëpunëtorë të cilët përcaktojnë nëse një anëtar e gëzon të drejtën e votës apo jo.

Së pari është një proces antistatutor sepse kush e gëzon të drejtën e votës e përcakton statuti i partisë dhe nëse një anëtar ka ndryshuar parti, pra që është dhe pretendimi që në këto momente ka lëvizje anëtarësie brenda PD, janë kryesitë e degëve ato që mblidhen për të marrë masa disiplinore. Ky nuk mund të jetë vullnet subjekti i një individi. Në 71 degë të PD vetëm 29 prej tyre kanë kryetar të zgjedhur, 5 kanë kryetar të komanduar dhe pjesa tjetër ka pika kontakti të organizimit të partisë për fushatën dhe nuk mund të ushtrojnë detyrën e kryetarit të degës.

Arsyeja e dytë ka të bëjë me komisionin zgjedhor. Nëse ne ecim me komisionin që është në fuqi mund të shohim që pjesa më e madhe e tyre janë larguar nga Partia Demokratike zyrtare dhe janë rreshtuar krah Berishës. Nëse zbatohet sot statuti zgjedhjet do t’i menaxhojë një komision që kontrollohet nga Berisha. Përpara këtyre rrethanave procesi do të binde ndesh me statutin”, tha Bardhi./ CNA.al





Lajmet e fundit nga