LEXO PA REKLAMA!

SHKARKO APP

App Store
Google Play

Përplasjet në Kryesinë e PD-së së vulës/ Kolegji i kryetarëve: Dënojmë çdo akt dhune

7 Qershor 2023, 13:15, Politikë CNA

Përplasjet në Kryesinë e PD-së së vulës/ Kolegji i

Kolegji i kryetarëve të PD-së, ka reaguar pas përplasjeve në mbledhjen e kryesisë.

Në deklaratën e tyre, thuhet se dënohet çdo akt dhune, si dhe u bëhet thirrje demokratëve të respektohet çdo zgjidhje dhe vendimet insititucionale.

Deklarata e plotë e Kolegjit të Kryetarëve të PD-së:

Kolegji i Kryetarëve në mbështetje dhe në besim të plotë të organeve drejtuese të Partisë Demokratike dënon çdo akt dhune duke bërë thirrje për të respektuar zgjidhjet dhe vendimet institucionale.

Partia Demokratike e Shqipërisë është ngritur dhe ekziston mbi sakrificën e qindra mijëra demokratëve, të cilët sot më shumë se kurrë kërkojnë vetëm të dëgjohet zëri dhe vullneti i tyre, në shërbim të zgjidhjeve më të drejta për fuqizimin dhe ringritjen e Partisë Demokratike.

Çdo përpjekje për ta zhbërë këtë vullnet, çdo tentativë për ta përbaltur mundin, sakrificën dhe shqetësimin e atyre demokratëve të ndershëm që kanë punuar pa u lodhur për çdo votë dhe çdo mandat të deputetëve të Partisë Demokratike, u shërben vetëm kundërshtarëve tanë politikë, u shërben atyre që duan shkatërrimin dhe asimilimin e Partisë Demokratike. Mendimet ndryshe, alternativat për zgjidhjen më të mirë për të ardhmen e Partisë Demokratike, zgjidhen me të vetmin mjet demokratik që garanton standardin e çdo procesi dhe kjo është VOTA. Përpjekjet për t’ju imponuar anëtarëve të Partisë Demokratike me mekanizma përtej votës, janë përpjekje të dështuara dhe nuk janë garanci për të ardhmen e Partisë Demokratike dhe bashkërendimin e aksionit tonë politik./ CNA.al

Lajmet e fundit nga