web counter
LEXO PA REKLAMA!

SHKARKO APP

App Store
Google Play

“Babalja” i Lulit kërcënon me gjykatë: Do veproj nëse Berisha nuk largohet po humbi zgjedhjet

24 Mars 2026, 21:47, Politikë CNA

“Babalja” i Lulit kërcënon me gjykatë: Do veproj

Ervin Salianji, si një ndër njerëzit e afërt të Lulzim Bashës, duket se i ka marrë edhe stilin e qëndrimeve publike, teksa deklaroi sot se do ta çojë në gjykatë çështjen e statutit të Partisë Demokratike.

I ftuar në emisionin “Now” në Euronews Albania, Salianji u shpreh se mandati i kryetarit të partisë përfundon nëse PD nuk del forcë e parë pas zgjedhjeve të ardhshme parlamentare.

“Kjo dispozitë parashikohet në statut dhe mund të përdoret për të kërkuar ndërprerjen e mandatit të Sali Berishës në krye të PD-së. Do të ndjek rrugën ligjore për këtë çështje”,-tha Salianji.

Duket se Salianji po ndjek të njëjtën lojë si Basha, atë të marrjes peng të partisë dhe njësoj si ky i  fundit, do të merret prapë me vulën, vendimet e gjykatave, ndërsa këtë herë kërcënon demokratët.

Mirëpo të gjitha veprimet e Salianjit janë thjesht dhe vetëm për pazar. E kotë të diskutohet një fitore përballë Berishës, veçanërisht e individëve si Salianji, që i priti me hunj demokratët në selinë e PD-së në kohën e Lulit. 

Salianji, me këto deklarata, do thjesht të justifikojë rrugën që ka marrë dhe të bëjë lojëra e skenarë siç e këshillon Mero Baze: 'Ti mund të bëhesh Genc Pollo'.

Mbase kur PD të vijë në pushtet, Salianji mund të jetë njeri i rëndësishëm, megjithëse nuk është gjë tjetër veçse një vegël e keqpërdorur politike. Pavarësisht se thotë që ka bërë burg politik, ai është burgosur për një mashtrim publik./CNA





Lajmet e fundit nga