web counter
LEXO PA REKLAMA!

SHKARKO APP

App Store
Google Play

Asambleja e PS-së në Gjirokastër/ Rama: Mbyllja e negociatave, proces sfidues dhe i vështirë

5 Maj 2026, 19:52, Politikë CNA

Asambleja e PS-së në Gjirokastër/ Rama: Mbyllja e negociatave,

Kryeministri Edi Rama ka mbajtur fjalën e tij në takimin e Asamblesë së Partisë Socialiste në Gjirokastër. Rama foli lidhur me negociatat e anëtarësimit në BE ku tha se mbyllja e tyre është një proces sfidues, sprovues dhe shumë i vështirë.

Sipas kreut të qeverisë nëse në zgjedhjet e fundit PS nuk do të kishte marrë 83 mandate, sot nuk do të kishte negociata me BE-në.

“Rruga drejt BE-së, është arsyeja e këtij komunikimi me të gjithë bazën e partisë sepse është e rëndësishme që duke filluar nga anëtarësia e PS të kenë vetëdijen e plotë për momentin delikat që po kalon sot vendi në një rrugë ku mbërritja është më aferë se çdo herë tjetër. Metrat e fundit janë më të vështirat. Mbyllja e negociatave është një proces sfidues, sprovues dhe shumë i vështirë.

Anëtarësia e PS-së është në territorin e Shqipërisë dhe jo në tryezën e negociatave. Në fakt negociatat, energjinë dhe forcën e Shqipërisë që përfaqësohet në atë tryezë e marrin nga jeta e punëve të përditshme në vendin tonë.

Boshti i gjithë këtij procesi është PS-ja sepse me të lidhet qoftë pushteti legjislativ dhe ecuria e tij apo qoftë ai ekzekutiv dhe ecuria e tij. Me ecurinë e këtyre dy pushteteve lidhet një pjesë e mirë e procesit. Nëse nuk do t’i kishim ato vota në parlament nuk do të kishim negociata me BE por do të kishim presion për negociata me palavitë që kemi në opozitë dhe që do të merrnin peng anëtarësimin.

Kur thosha na duhet një mandat më i fortë shikoja atë që vinte me pas dhe jo pushtetin tim, apo ndonjë ambicie për të marrë më shumë karrige në parlament por thjesht misionin tonë për të mos lejuar që procesi i anëtarësimit në BE të merret peng nga askush dhe për të çuar deri në fund një mision historik dhe përmbajtësor për PS-në. Përveç familjes tonë politike dhe atyre që na dhanë mbështetjen, të tjerët jo vetëm janë kundër nesh por janë të fiksuar për të bërë çdo gjë dhe për të nxjerrë çdo gjë nga goja që të na pengojnë në këtë rrugë. Ne nuk jemi forcë politike pa të meta por nuk duhet të lejojmë askënd që të mbulojë me baltë gjithë punën e jashtëzakonshme të bërë së bashku”, tha Rama. /CNA





Lajmet e fundit nga