E fundit!

14:04 Kosova & Bota

Këshilli i BE-së miraton marrëveshjen tregtare me SHBA-në

Këshilli i Bashkimit Evropian dha sot miratimin përfundimt...

Rezoluta e PE vë gishtin në plagët që shkakton qeverisja e Edi Ramës

5 Maj 2026, 18:23, Politikë CNA

Rezoluta e PE vë gishtin në plagët që shkakton qeverisja e

Deputeti i PD-së Belind Këlliçi ka reaguar mbi rezolutën e Paralmentit Europian për Shqipërinë.

Sipas Këlliçit kjo rezolutë është një pasqyrë objektive e problemeve të mëdha që ka vendi, probleme që fshihen nga propaganda qeveritare çdo ditë.

Deputeti i PD-së nënvizon se PE ka konstatuar nivelin e lartë të korrupsionit, shkeljet në zgjedhjet e fundit, kriminalitetin, pastrimin e parave dhe të gjitha pikat e dobëta nga ku burojnë abuzimet e mëdha me fondet, si prokurimi publik, koncesionet, licensimet dhe planifikimi i ndërtimit hapësinor.

Këlliçi shton se Parlamenti Europian e vë theksin tek abuzimi me fondet e IPARD II, dhe kërkon transparencë e llogaridhënie dhe po ashtu dënon klimën armiqësore ndaj gazetarëve.

“Pas misionit faktmbledhës këtu në terren, pas hulumtimeve dhe shqyrtimit të informacioneve, Komisioni i Jashtëm i Parlamentit Europian ka përgatitur rezolutën për Shqipërinë që është një pasqyrë objektive e problemeve të mëdha që ka vendi, probleme që fshihen nga propaganda qeveritare çdo ditë. Parlamenti Europian konstaton i shqetësuar nivelin e lartë të korrupsionit.

PE thekson dhe një herë shkeljet e rënda në zgjedhjet e fundit, që nga shantazhimi i qytetarëve e blerja e votës dhe kërkon urgjentisht adresimin e këyre fenomeneve që të mos përsëriten.

Duke u ndalur tek vonesa e pajustifikueshme në trajtimin e imunitetit (rasti Balluku) PE thotë se vendime të tilla duhet të merren pa ndërhyrje politike.

Të zgjedhurit europianë kërkojnë parlamentarizëm sipas standartit, që garanton transparencë dhe llogaridhënie. PE shprehet i shqetësuar për kriminalitetin dhe për pastrimin e parave.

Në këtë rezolutë përmenden të gjitha pikat e dobëta nga ku burojnë abuzimet e mëdha me fondet, si prokurimi publik, koncesionet, licensimet dhe planifikimi i ndërtimit hapësinor.

Parlamenti Europian e vë theksin tek abuzimi me fondet e IPARD II, dhe kërkon transparencë e llogaridhënie.

Dënon klimën armiqësore ndaj gazetarëve. Po të shohësh të gjithë këto problematikat e ngritura, çdokush me të drejtë mund të ngrejë pyetjen; a ka ndonjë gjë në rregull me këtë qeverisje?

Kjo rezolutë është një kontribut dhe ndihmë e çmuar për Shqipërisë në rrugën e integrimit, dhe i kujton qytetarëve se ka çështje shumë serioze që duhen adresuar dhe se në BE nuk shkohet me propagandë.

Edhe pas këtij denoncimi, me siguri Edi Rama do të vijojë të njëjtin kurs, mbrojtje korrupsionit, imunitet Ballukut, patronazhim të votës e lidhjet me krimin. Në fund, pasojat do ti vuajnë njerëzit. Ndaj është jetike që të ngremë zërin.

Dhe kjo rezolutë e PE, në vetvete është një thirrje më shumë që të bashkohemi e të protestojmë kundër burimit të krimit e korrupsionit në vend, kundër atij që po bëhet pengesë e aspiratës tonë kombëtare”, thekson Këlliçi./ CNA