web counter
LEXO PA REKLAMA!

SHKARKO APP

App Store
Google Play

Alizoti tallet me Bashën/ “Sandokani ka ardhur të bëhet kryetar në mes të vapës”

13 Korrik 2023, 18:01, Politikë CNA
Alizoti tallet me Bashën/ “Sandokani ka ardhur të bëhet
Deputeti i Partisë Demokratike, Tomorr Alizoti

Deputeti i Partisë Demokratike, Tomorr Alizoti ka ironizuar Lulzim Bashën, i cili garon sërish për kryetar të PD-së në zgjedhjet e 29 korrikut.

Në një intervistë me Klevis Mukën, Alizoti e cilësoi Bashën si Sandokan që kërkon të zgjidhet kryetar partie në kokërr të vapës.

Alizoti deklaroi se dëmin e zgjedhjes së Bashës në krye të PD-së e shikon si dëm të nivelit kombëtar.

“Sot opozita është e domosdoshme, por është e ndarë në 3 blloqe. Pa ardhur edhe ai në mes të vapës që do bëhet kryetar. Ka ardhur në mes të vapës ai do të bëhet kryetar, ai nuk punon në opozitë, nuk erdhi të thotë dy fjalë atje, është Sandokani nga deti, do bëhet edhe ai, ky që është kryeministër ikën në det dhe ky do vijë me 29, ne të tjerët themi diçka që mendojmë. Jemi në një kaos total e cila i shërben autokracisë. Do zgjidhet kryetar partie në kokërr të vapës, me 30 korrik vjen Zelensky në krye të PD-së, është ushtarak nga natyra, fighter (luftëtar).

PD nuk ka problem lidershipi, por të ndërtojë alternativë të re. Me këto bishtat që do vijnë në 30 do na dëmtojnë, e shikoj dëmin më të madh, e shikoj dëmin në nivel kombëtar”, theksoi deputeti./ CNA.al





Lajmet e fundit nga