web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj vijon me avazin/ Në 2021-shin humbëm prej Sali Berishës

24 Prill 2023, 14:37, Politikë CNA
Alibeaj vijon me avazin/ Në 2021-shin humbëm prej Sali Berishës
Kryetari komanduar i PD-së, Enkelejd Alibeaj

Kryetari komanduar i PD-së, Enkelejd Alibeaj, vijon me sulmet ndaj ish-kryeminsitrit Sali Berisha.

Sipas Alibeajt, përgjegjës kryesor për përçarjen e PD-së dhe humbjet në zgjedhjet e vitit 2021 është Berisha.

Ai është shprehur se tashmë Berisha është një barrë që duhet ta mbajnë mbi kurriz pasi shqiptarët nuk harrojnë.

“Nuk do ta zgjas shumë. Mbase sot është e vështirë dhe unë e di. Po sot ne kemi ca aleatë. Dhe po them cilët janë aleatët: po, janë njerëzit e ndershëm, njerëzit e punës. Janë shumë ata, të cilët nuk shkojnë të votojnë, i kemi parë ne, nuk shkojnë të votojnë, as Ramën, as Berishën, as Metajn. Dikur ne thoshim: ore pse nuk vijnë këta shqiptarë të na votojnë. Edhe në 2021-shin, edhe pse nuk fituam, shumë prej shqiptarëve nuk erdhën të na votonin ne.

Nuk ishin me qeverinë, por nuk erdhën të na votonin edhe ne. Dhe pyetja është: pse nuk vinin të na votonin as ne. Sepse u kujtoheshin fytyrat. E Sali Berishës dikur në 2013-n kur ramë me 1 milion vota nga pushteti. Dhe shqiptarët nuk harrojnë. Tashmë këtë barrë që e kemi pasur në kurriz, nuk e kemi më.

Së dyti, aleatët tanë janë me atë parti, Bashkimi Europian, Mbretëria e Bashkuar, amerikanët, janë me atë parti në Shqipëri, e cila nuk ka hije korrupsioni me vete. Me Ramën? Po me Ramën e mbani mend para 10 ditësh se çfarë i tha përfaqësuesi i qeverisë? Tha se unë nuk flas për çështjen 'McGonigal', se atje ka një hetim penal. E pra, ka një hetim penal do të thotë ku është i përzier dhe Rama. Dhe nuk kam lidhje fare tha, edhe me 'non grata'-t. Të vetmit, të cilët nuk kemi asnjë lloj problem ne, as me korrupsionin dhe as me drejtësinë është kjo Parti Demokratike ku jemi të gjithë ne këtu.

Dhe kemi mbështetje prej tyre dhe unë besoj që kur futesh në zgjedhje, duhet të jesh pikërisht i tillë, të rrethohesh nga aleatë, të rrethohesh nga njerëz që të besojnë, të rrethohesh edhe nga aleatët tanë strategjikë. Ndaj, në këtë pikë, pavarësisht se nuk kemi dalë me kandidat për kryetar bashkie, por kemi këshillin tonë, kemi përfaqësuesit tanë në këshill. Është i rëndësishëm edhe ai këshilli, po, po, sepse ai këshilli është ai i cili kontrollon kryetarin e bashkisë, merr informacion çfarë bën, kur vjedh, si i vjedh, ku i çon tenderat, si e shpërndan ndihmën ekonomike, si e shpërndan buxhetin, si i merr taksat, ku i shpenzon. Ai këshilli që duket kështu si pa rëndësi.

Po, ka vlerë të madhe. Dhe ne sot, duke qenë se e fillojmë nga fillimi Partinë Demokratike, të rinovuar, të pastër, do ta nisim nga çështja e Këshillit Bashkiak. Ndaj, edhe detyra juaj, miku im Ari, edhe ju gjithë të tjerët është që të marrim sa më shumë përfaqësues në Këshillin Bashkiak. Dhe ky është guri i parë i ecjes dhe rritjes së Partisë Demokratike. Vota jonë është për numrin 9, për Partinë Demokratike. Ky është synimi, ky është qëllimi, ky është pozicioni politik i demokratëve dhe kryesisë së Partisë Demokratike”, është shprehur Alibeaj./ CNA.al





Lajmet e fundit nga