web counter
LEXO PA REKLAMA!

SHKARKO APP

App Store
Google Play

E fundit!

x

“Me 14 maj firmosim ndryshimin”/ Berisha: Kandidatët e Rilindjes, të nxirë nga skandalet kriminale

24 Prill 2023, 13:18, Politikë CNA
“Me 14 maj firmosim ndryshimin”/ Berisha: Kandidatët e
Drejtuesi i koalicionit “Bashkë Fitojmë”, Sali Berisha

Drejtuesi i koalicionit “Bashkë Fitojmë”, Sali Berisha, në një deklaratë për mediat ka thënë se gjatë turit të tij të takimeve me qytetarë anembanë Shqipërisë ka ndier një irritim dhe revoltë të qytetarëve që është kthyer deri në urrejtje ndaj qeverisë qendrore dhe lokale.

Sipas Berishës, 14 maji do të jetë dita e shpëtimit të bashkive nga kthetrat e mafies qeveritare.

Gjithashtu ai ka akuzuar se kandidatët e Ramës janë të përfshirë në skandale dhe veprimtaria e tyre kriminale nxijnë bashkitë e vendit dhe se misioni i tyre është i qartë, plaçkitje e pasurive publike.              

“Po presim 14 majin për të firmosur ndryshimin, shpëtimin e bashkive të Shqipërisë nga kthetrat e mafies qeveritare.

Kudo që shkova gjeta qytetarë të revoltuar, gjeta qytetarë të cilët përmbanin ndjenja urretjeje ndaj qeverisë.

Gjeta reagime të fuqishme ndaj plaçkitjes së banorëve të këtyre bashkive.

Skandalet e kandidatëve të Ramës, aferat e tyre të zeza nxijnë Tepelenën, Memaliajn, Përmetin, Sarandën,  Delvinën, Konispolin, Dericanin, Libohovën.

Misioni i tyre është i qartë, plaçkitje e pasurive publike”, tha Berisha./ CNA.al





Lajmet e fundit nga