web counter
LEXO PA REKLAMA!

SHKARKO APP

App Store
Google Play

A do të bllokojë opozita Parlamentin?/ Baçi: Ja çfarë do të ndodhë nesër

18 Tetor 2023, 21:34, Politikë CNA
A do të bllokojë opozita Parlamentin?/ Baçi: Ja
Deputeti Luan Baçi

Ish-kryeministri Sali Berisha paralajmëroi mbnrëmjen e sotme se nga e nesërmja opozita do të nisë aksionin opozitar në Kuvend.

Për strategjinë e opozitës foli në emisionin e Alba Alishanit deputeti demokrat, Luan Baçi.

Ai tha se opozita nuk do të lejojë të nëpërkëmben deputetët e saj dhe nëse mazhoranca tenton ta bëjë këtë gjë, PD nuk do të lejojë që seanca plenare të vijojë normalisht.

“Nuk kemi vendosur asgjë. Kur them asnjë gjë, them asnjë gjë në kuptimin e mirë të fjalës. Ne do të kërkojmë me sesbën zbatimin e rregullores së Parlamentit, zbatimin e ligjit dhe marrjen parasysh të kërkesave të ligjshme që do të bëjë Partia Demokratike. Dhe nëse këto merren parasysh, normalisht do të ketë një seancë normale, ashtu siç duhet të jetë seanca normale.

Në qoftëse nuk meren parasysh dhe bëhet shkelja me të dy këmbët, hapur e rregullores e ligjit, merren nëpërkëmbë deputetët e opozitës, ashtu siç janë marrë me dhjetëra herë dhe penalizohemi padrejtësisht përsëri nga komisionet që kanë ngritur… Nuk ka asnjë plan. Plani i vetëm është se nuk do të lejohet të merren nëpërkëmbë deputetët e opozitës.

Nuk do të lejojmë të shkelet rregullorja, është e mjaftueshme kjo që them për t’i dhënë një mesazh mazhorancës, dhe këtë e ka nga të gjithë deputetët e opozitës, rreth 50 deputetë të opozitës, madje do të ftoja edhe ata deputetë që janë akoma në mbështetje të pengut të Ramës, t ëish-kryetarit të PD-së, Zopti Basha, që t’i bashkohen deputetëve demokratë të PD-së, deputetëve që kanë dalë nga lista e 2021-shit”, u shpreh ai.

Deputeti deklaroi se qëndresa e opozitës do të jetë e vazhdueshme, ndërsa theksoi se nuk bëhet fjalë për largim nga Parlamenti.

“Do të jetë një qëndresë e vazhdueshme, do të jetë një opozitë e vazhdueshme, nuk do të lejojmë me çdo lloj kostoje moszbatimin e rregullores nga mazhoranca. Që të ikim nga Parlamenti nuk bëhet fjalë fare për arsye se u provua njëherë dhe ndodhi ajo që ndodhi”, nënvizoi Baçi./ CNA





Lajmet e fundit nga