web counter
LEXO PA REKLAMA!

SHKARKO APP

App Store
Google Play

E fundit!

x

2 orë në SPAK për aferën ÇEZ-DIA/ Meta zbulon detaje nga marrja në pyetje, akuza Qeverisë

8 Nëntor 2023, 11:30, Politikë CNA
2 orë në SPAK për aferën ÇEZ-DIA/ Meta zbulon detaje
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka dalë pas rreth 2 orësh nga ambientet e SPAK-ut, ku dëshmoi në lidhje me dosjen ÇEZ-DIA.

Meta tha se nuk ka firmosur asnjë shkresë apo dokument që mund ta implikojë atë në aferën e ÇEZ-DIA-s.

Ai hodhi akuza ndaj Qeverisë, teksa deklaroi se po e përdor politikisht këtë çështje për të hequr vëmendjen nga skandalet.

“Është rihapur në dhjetor 2019 me një kallëzues i cili është dënuar një dy herë për shpifje, një person që ka qenë punonjës i DIA-s, tani është i OSHEE. Po përdoret nga regjimi për shpifje, një person që ka dhënë në gjykatë një dëshmi ku asgjëkundi s’ka përmendur emrin tim dhe më pas për arsye të problemeve që ka pasur është përdorur për këtë çështje. Përgjigjja ime është përsëri ajo që kam thënë para e që po them përsëri dhe do ta theksoj, nuk ekziston asnjë akt, shkresë, dokumentim, asnjë urdhër, asnjë iniciativë për ligje, akte nënligjore, nga Meta si ministër i Ekonomisë në interes të askujt, përfshirë këtu edhe DIA-n, edhe ÇEZ-in. Ministria e Ekonomisë e ka denoncuar vendimin e ERE që favorizonte ÇEZ-in në dhjetor të vitit 2012 për çmimin e blerjet të energjisë. Isha si person që ka dijeni për rrethana të caktuara. U pyeta për detaje të ndryshme që s’kanë asnjë rëndësi.

Kam dhënë shpjegim në të kaluarën, para opinionit publik. Asnjë akt, shkresë, dokument, vendim nga ana e Metës si zv.kryeministër dhe ministër i Ekonomisë apo në pozita të tjera në interes të askujt. Diktohet po nga Rama për të shmangur vëmendjen nga skandalet, për të spostuar vëmendjen në thashetheme që kanë të bëjnë me 15 vite më parë. Marrjet në pyetje janë bërë në modë se kemi një qeveri që dëshiron të shmangë vëmendjen nga skandalet, që tek inceneratori. Jam këtu, do jem transparent për çdo akt vendimmarrje që kam marrë në të kaluarën”, u shpreh ai.

Meta theksoi se në pyetje u mor si një person që ka dijeni për rrethana të caktuara, pa cilësuar se për cilat rrethana bëhet fjalë konkretisht.

“U pyeta si një person që ka dijeni për rrethana të caktuara. U pyeta për detaje të ndryshme të cilat nuk kanë asnjë rëndësi”, nënvizoi ai./ CNA





Lajmet e fundit nga