E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Propaganda elektorale e kënetës dhe bufit

9 Mars 2025, 19:52, Opinione Armir Shkurti

Dy muaj para votimit Edi Rama e ka shpalosur hapur strategjinë e propagandës së tij elektorale: fushatë negative!

Në 12 vite Rama jo vetëm është konsumuar, por ka prodhuar një katastrofë kombëtare të përmasave unike në historinë e vendit. Gjatë qeverisjes së tij eksodi i shqiptarëve ka qenë i njejtë me atë të sirianëve që iknin nga lufta civile. Demokracia në vend është asgjësuar, ndarja e pushteteve është shuar ndërsa monopolet kanë zëvendësuar ekonominë e tregut. Korrupsioni dhe krimi i organizuar janë shkrirë me qeverisjen....

Kështuqë, pa asnjë alternativë , Edi Rama ka hyrë në këtë fushatë me tezën e 2013 -ës: "Fajin e ka Saliu". E ka shprehur dendur ky individ se, "më të mirë se unë nuk ka". Domethënë, "keq jeni me mua. Ama pa mua do yë jeni katran fare"!

Është turp, karagjozllëk, abuzim e çfarë të duash ti tjetër që personi që ka drejtuar vendin për 12 vite, që del vetëm kudo ngaqë rrethin e tij e ka o në burg, o në hetim o të diskredituar... të bëjë fushatë negativiste kundër opozitës dhe kjo lloj fushate të jetë e vetmja propagandë në treg! Por funksionon!

Në trajnimet e Soros, lodrat e tij janë stërvitur që, kur s'e mundin dot argumentin e tjetrit duhet të merren me kundërshtarin , duke i hequr me çdo mjet kredibilitetin.

Propaganda elektorale e kënetës dhe bufit

Në këto kushte, Edi Rama vetëm, me hajdutët e vet larg ekranit, ka krijuar metaforën e moçalit ( që janë gjithë kundërshtarët e tij ) dhe bufit a kukuvajkës së këtij moçali ( që është Sali Berisha ). Qëllimi është që, çdo konstatim, çdo kritikë, çdo fakt deri dhe akuzë për Ramën të ketë "kutërbimin e ndyrë të moçalit, të fekalit". Pra, mund të jetë 100% i saktë konstatimi, e kopsitur me fakte akuza, ...por "vjen nga moçali", prandaj s'ka vlerë.

Prandaj nuk ka ditë që Edi të mos marrë një akuzë me zë të Berishës e ta mbulojë me figurë bufi a kukuvsjke.

Nga ana tjetër, kemi një fushatë ( deri tani ) pozitiviste, të Berishës. E theksoj: të Berishës! se të tjerët në koalicionin prej 25 partish , nuk i pjerdh njeri, përveç si brigadierë votash. Berisha ka dalë me një kopje qesharake të slloganit të Trump "Make America Great Again": "Ta bajm Shqiprin madhshtore"! ( më kujtoi një barcoletë kjo dikotomia Trump - Berish, që pastaj puqen në sllogan:

Një mëllënjë mashkull iu ngjit në tule elefanteshës për ta përdhunuar. Ndërkohë që mëllënji shkundej para e mbarapa në epsh, pa asnjë lloj efekti në fakt, elefanteshës iu ngul një degë peme në këmbë dhe lëshoi pasthirrmë:
- Ohhhhh!
Dhe mëllenji krenar i bërtet:
- Ashtu kurvë! Jepi! Prishu! )

Edi Rama ka dëmtuar vendin më zi se çdo pushtues, ndaj sllogani "Çlirojmë Shqipërinë" apo "I kthejmë Shqipërinë shqiptarëve" do të kish mbetur po në "madhështinë" , por me terma goxha më realistë dhe do përfshinte edhe dëmin që kundërshtari ka bërë. Sepse, "ta bëjmë madhështore", në fakt nënkupton që "ky nuk e ka bërë keq, ama ne do ta bëjmë hatà hare"!

Shqiptarët që nuk e duan Ramën, kanë plot arsye. Por të gjithë i përmbledh: bërja e vendit të pajetueshëm, zbrazja dhe falimentimi i tij dhe plani për zëvendësimi i shqiptarëve me emigrantë aziatikë". Kjo kauzë, për shembull, nxjerr më shumë njetëz në votim sesa premtimet për pensione, rroga etj...

Propaganda elektorale e kënetës dhe bufit
Si përfundim, me cilësinë e specialistit të PR dhe fushatave ( kam punuar në secilën prej tyre dhe kam qenë 100% i suksesshëm nga 1991 deri sot ) ju garantoj se propaganda e Ramës është shumë herë më e frytshme, agresive dhe e studiuar se ç'pritej prej një pushteti antishqiptar, shkombëtarizues dhe destruktiv. Ndërsa kjo e Berishës deri sot ua kalon edhe atyre të Lulit në 2021, që e kish hartuar me kokat e Europës.

P.S: Një dhuratë, për demokratët me shpirt, ata që duan zgjidhje dhe motivim, por s'e gjejnë në udhëheqje: Mënyra më efikase është ta kthesh sulmin e kundërshtarit në avantazh. Përsërit Rama bufin e kukuvajkën? Përsërisni edhe ju më fort se ai që : " BUFI PO VJEN TË PASTROJË MOÇALIN NGA MINJTË HAJDUTË TË RILINDJES"
Post post scriptum: I thoni Doktorit se "do thajmë kënetën" ka qenë sllogan edhe i Trump-it në fushatën e tij