LEXO PA REKLAMA!

SHKARKO APP

E fundit!

x

Nëse injorojmë protestën, kemi vrarë sigurinë e së tashmes dhe të ardhmes së fëmijëve tanë!

4 Gusht 2022, 17:08, Opinione Mimoza Hajdarmataj
Nëse injorojmë protestën, kemi vrarë sigurinë e së
Foto ilustruese

Një thirrje për çdo nënë dhe grua shqiptare!

Zoti i dhuron një fat të madh dhe lumturi të pakrahasueshme çdo gruaje dhe vajze, kur i dhuron mëmësinë. Historia e njerëzimit tregon se nënat kapërcejnë dhe rreziqet e pengesat më të paimagjinueshme për të mbrojtur krijesat e tyre.

Në Shqipëri realiteti dramatik, i krijuar nga pushteti dhe kriza e gjithanshme e shoqërisë, ta mohon dhe këtë mision hyjnor, pra mbrojtjen e fëmijës kur është në rrezik, sepse RREZIKU dhe VRASËSI  është vetë SHTETI me zyrtarët e vet arrogantë, të korruptuar, të paaftë dhe shpërfillës ndaj jetës së shqiptarëve.

Ju bëj thirrje, me gjithë zjarrin e revoltës që kemi secila brenda nesh në kraharor, të dalim të PROTESTOJMË, pse jo të ulërijmë për drejtësi, për përgjegjësi ligjore të autorëve (nuk është vetëm një) të vrasjes makabre të ëngjëllit të vogël Jonadë.

Sepse nuk ishte aksident, nuk ishte papërgjegjshmëri...ishte arrogancë e brutalitetit i policit me rrobe banjo, me pistoletë, me shumë para, me tangërrllëk dhe pa mëshirë për të kërkuar NDJESË. Madje këtë nuk kishin guxim ta bëjnë, këto orë të rënda morti, asnjë prej deputeteve, ministreshave, zyrtaret e institucioneve, (që paguhen me taksat edhe të gjyshërve e familjarëve të Jolandës...) që janë vetë nëna,  por që fëmijët e tyre u mbrohen me imunitetin e pushtetit dhe luksit të përfituar prej tij.

Sot nuk dalim vetëm për të kërkuar shkarkimin me të drejtën e Zotit të ministrave;  nuk dalim për kredo politike të opozitës as edhe për të mbështetur  ndonjë grupim aktivistësh me suporte të ndryshme.

Sot duhet të dalim dhe të protestojmë si nëna shqiptare, ato që kanë sakrifikuar më shumë së kushdo për familjet dhe fatet e Atdheut.

Sot duhet të dalim në emër të ekzistencës së Kombit që i ka rrënjët te familja që ata po cënojnë përditë.

19:37 Opinione Jak Simoni

Turizëm tragjik!

Në një vend si ne, që ka turizmin si sektor parësor të...

11:20 Opinione Brizida Gjikondi

Engjëjt nuk duan zhurmë

Dhimbja është udhërrëfyes i keq... kur e përdor për të til...

11:06 Opinione Artan Fuga

Shqiptari punon kot!

Një nga arsyet kryesore se përse Shqipëria është një vend ...

10:58 Opinione Edi Paloka

Nga arrogant në legen!

Nuk ka asnjë vlerë të bësh qoftë edhe vëzhgime të pjesshme...

Lajmet e fundit nga