E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

"Kepi i Tundimit" dhe i degjenerimit/ Emisioni i turpit në "Top Channel"

30 Korrik 2022, 10:36, Opinione Kostandin Luçi

"Kepi i Tundimit" dhe i degjenerimit/ Emisioni i turpit në

"Kepi i Tundimit" dhe i degjenerimit. E thjeshtë për t'u kuptuar.

Ata që e duartrokasin suksesin e emisionit të turpit, ashtu si është "Kepi i Tundimeve", helmuan njëri-tjetrin me produkte të falsifikuara, korruptuan çdo formë të drejtësisë, prishën shkollat, vodhën institucionet e arsimit deri në pllakat e banjës, prishën shtyllat elektrike, vodhën telat e tensionit të ulët e të lartë për të ndërtuar gardhin e tyre, e plot e plot të tjera, që s'i numëron dot njeri!

Dhe ju më thoni se ky është "Reality Show" dhe është emancipim?

Flini gjumë ju lutem!

Cili shqiptar nuk do të kishte dëshirë të shikonte Shqipërinë në ditë më të mira. A nuk duam të tërë ne më të mirën për vendin tonë? A do të rregullohen gjërat në Shqiperi? Po sigurisht, por jo me emisione si "Kepi i Tundimeve", emision i cili përcjell vetëm antivlera dhe shkatërrim.

"Kepi i Tundimeve", emisioni më i ri në "Top Channel", në fakt pasqyron një lloj tjetër degjenerimi dhe këtë herë gjatë stinës së verës. Ky emision përveçse nuk sjell asgjë pozitive, sjell atë që shoqëria shqiptare ka në mungesë të thelluar: Mosreagimin ndaj së keqes. E cilësoj të keqe, pasi ai është i tillë.

Merr disa vajza dhe djem dhe vendosi në një shtëpi, plazh dhe lëri aty për disa ditë me radhë, por me disa “rregulla” të vendosura nga producentët e "Top Channel".

Nëse ky quhet emancipim për shoqërinë atëherë kjo është punë tjetër, pasi lanë "Big Brother" filluan të merren me "Kepin e Tundimeve" ose "Kepin e Sodomës" dhe "Gomorrës". Ky emision është një degjenerim total në çdo aspekt dhe sido që ta rrotullosh.

Të kuptohemi qartë: të emancipuar nuk të bën ky emision dhe të tillë si ky, por me sa duket pranimi në heshtje i këtij emisioni dhe formateve të tilla me sa duket është pranuar në heshtje nga shoqëria shqiptare dhe në fakt është për të ardhur keq, duke parë dhe nivelin mjeran të formimit intelektual që ka shoqëria jonë.

Disa djem dhe vajza që kanë dalë jashtë çdo lloj formati shoqëror tregojnë dhe pasqyrojnë nivelin e një media kombëtare, duke e kthyer atë në një media të pështirë dhe anti çdo lloj vlere. Problemi që jeni një turp, ata që e organizuan dhe ata që kanë hyrë në atë emision të turpshëm, që mund ta krahasoja dhe me degjenerimin e Sodomës dhe Gomorrës. Ky është një emision, i cili nuk meriton vëmendje, pasi është një turp për ata që e kanë prodhuar dhe ata që e ndjekin./CNA.al