LEXO PA REKLAMA!

SHKARKO APP

Rina hap zemrën "e thyer"/ Tregon arsyet e ndarjes nga Sin Boy

19 Shtator 2022, 12:21, Lifestyle CNA
Rina hap zemrën "e thyer"/ Tregon arsyet e ndarjes nga Sin Boy
Rina dhe Sin Boy

Këngëtarja Rina Balaj, së fundmi ka konfirmuar ndarjen e saj nga Sin Boy, djali me të cilin ndau disa vite, por edhe shumë bashkëpunime të suksesshme në muzikë. 

Në një intervistë për "Prive", në kuizin me 50 pyetje, Rina ka ndarë më shumë rreth arsyeve që çuan në një ndarje në çift. 

Pak kohë më parë reperja Rina Balaj konfirmoi ndarjen e saj nga Sin Boy, pas një lidhjeje disavjeçare. Ndërsa së fundmi artistja ka folur në një intervistë në lidhje me arsyet e ndarjes.

“Gjithçka ka ndodhur si duhej të ndodhte. Nuk ishte e shpejtë apo e papritur.”– tha ajo shkurt. 

Rina u shpreh me tej se kjo nuk ka qenë një ndarje për të bërë bujë, pasi edhe në një intervistë për "T7", ajo është shprehur se e ka mbajtur të fshehtë ndarjen, vetëm që kjo të mos bëhej e madhe. 

E pyetur nëse jeta e saj ka ndryshuar për mirë ose jo, Rina u përgjigj:

“Të gjithë mundohemi të ndryshojmë për mirë. Ndihem shumë spirituale, në paqe me veten”, duke tentuar të ‘fshehë’ plagët e ndarjes nga Sin Boy.

Këngëtarja gjithashtu u pyet nëse jep mundësi të dyta, me idenë nëse ka ndonjë mundësi për rikthim me Sin Boy, po ajo u shpreh se:

“Varet sa ndikim ke në jetën time. Nëse je shumë i rëndësishëm falim pak… Çfarë thyhet nuk ngjitet aq shpejt”.

 

Sakaq, në intervistën e parë pas ndarjes, Rina u shpreh se ndarja me Sin Boy nuk do bëhej publike, por u kuptua në momentin kur ajo dhe Sin Boy nuk ndiqeshin më në rrjete sociale. 

 “Unë nuk jam person që i dua dramat. Se po të doja të bëja drama, kam pasur mundësi të bëj drama shumë më të mëdha që i kam tejkaluar. Por, thjesht dua t'u jap fansave të mi energji pozitive dhe mos t’i ngarkoj me gjëra se çfarë ka ndodh me Rinën ose gjëra të tilla. Unë dua që mediat të shkruajnë vetëm mirë për mua, por nuk i ndaloj dot as kur shkruajnë për keq se unë ndonjëherë reagoj keq. Media është e rëndësishme, portalet janë të rëndësishme, por unë nuk dua drama.

Po, është e vërtetë që jemi distancuar. Por nuk do doja që ta bënin të madhe se ne kemi shumë kohë që jemi distancuar. Por, në muzikë nuk jemi ndarë dhe kemi punuar bashkë. Ndarja u bë publike sepse ne nuk ndiqemi më në 'Instagram'. Kemi kaluar shumë mirë, por jeta është e tillë.”-tha ajo.

Lidhja e tyre zgjati 4 vite, ndërsa publike u bë në vitin 2020, kur ata tashmë kishin 2 vite së bashku, e cila me sa duket nuk mundi të zgjaste përgjithmonë./CNA.al

 

Lajmet e fundit nga